სტვენია

სტვენია (Pyrrhula pyrrhula), ფრინველი ბეღურასნაირთა რიგისა. აქვთ შავი თავი და ბოლო, ნაცრისფერი ზურგი, მამალს წითელი, ხოლო დედალს მორუხო-მურა მუცელი. სტვენიას სხეულის სიგრძე 18 სმ, მასა 35 გ აღწევს. გავრცელებულია ევროპასა და აზიაში. ყოფილ სსრკ-ის ტერიტორიაზე ბინადრობს ტყის ზონაში (ჩრდილოეთ იაკუტის გამოკლებით) და კავკასიის მთიან ტყეებში. ვერტიკალურად აღწევს 2700 მ ზღვის დონიდან. ბუდეს იკეთებს ხეზე. მაისში დებს 4-5 კვერცხს. ინკუბაცია გრძელდება 2 კვირას. იკვებება მცენარეთა კვირტებით, კენკრით, თესლით. მართვებს აჭმევს ამონანთხევს თესლს.

ლიტერატურა

• ჟორდანია რ. , ქსე, ტ. 9, გვ. 568, თბ., 1985