Sony
 | |
.jpg) | |
| ტიპი | სახალხო კომპანია |
|---|---|
| დარგი | კონგლომერატი |
| დაფუძნდა |
7 მაისი, 1946 ტოკიო, იაპონია[1] |
| დამაარსებელი | |
| სათავო ოფისი | მინატო, ტოკიო, იაპონია |
მმართველი |
|
| პროდუქცია |
სამომხმარებლო ელექტრონული მოწყობილობები ნახევრად გამტარები ვიდეო თამაშები კომპიუტერული მოწყობილობები ტელესაკომუნიკაციო ტექნიკა |
| შემოსავალი |
 7.6 ტრილიონი იაპონური იენი[2] |
| საწარმოო შემოსავალი |
288.7 მილიარდი იაპონური იენი[2] |
| თანამშრომელი |
73.3 მილიარდი იაპონური იენი[2] |
| საიტი | sony.net |
Sony (იაპონ. ソニー株式会社) — მრავალეროვნული კონგლომერატი გაერთიანება, რომლის სათავო ოფისი მდებარეობს მინატოში, ტოკიო, იაპონია. იგი არის მსოფლიოს უდიდესი მედია კონგლომერატი, რომლის წლიური შემოსავალი აღემატება ¥7.730.0 ტრილიონს, რაც $78.88 მილიარდს შეადგენს (2008 წლის მონაცემებით). Sony არის ერთ-ერთი ლიდერი ელექტრონიკის, ვიდეოს, კომუნიკაციების, ვიდეო თამაშების კონსოლებისა და ინფორმაციის ტექნოლოგიების გამოშვებაში. მისი სახელი მომდინარეობს sonus-დან, რაც ლათინური ენიდან ნიშნავს ხმას.
პროდუქცია[რედაქტირება | წყაროს რედაქტირება]
1950-იან წლებში Sony-მ პირველმა განავითარა ტრანზისტორებზე მომუშავე რადიო Sony TR-63. სავაჭრო მარკა ვალკმანის სახელით Sony-მ პირველი აუდიოპლეიერი ბაზარზე 1979 წელს გამოიტანა.
1983 წელს Sony-მ ფილიპსთან ერთად კომპაქტდისკი განავითარა. Sony-ს აქვს მისი ტელეფონების ხაზი Xperia, ტელევიზორების ხაზი Bravia და კონსოლების ხაზი Playstation.
ისტორია[რედაქტირება | წყაროს რედაქტირება]
კომპანიის ისტორია იწყება 1946 წლის 7 მაისიდან, როდესაც ინჟინერმა მასარუ იბუკამ (Masaru Ibuka) და მისმა კომპანიონმა აკიო მორიტამ (Akio Morita), რომელიც ომის წლებში მუშაობდა სამხედრო ლაბორატორიაში, ტოკიოში დააფუძნეს რადიონაწილების კომპანია Sony. ფირმაში დასაქმებული იყო 20 ადამიანი და საწყისი კაპიტალი შეადგენდა 500 დოლარს.
კომპანია, მატერიალური პრობლემების და მსხვილი ფირმებისგან დიდი კონკურენციის გამო, ბაზრიდან გაქრობისგან იხსნა აკიო მორიტას წარმატებულმა მარკეტინგულმა პოლიტიკამ.
1949 წელს კომპანია Sony იღებს მაგნიტური ფირის გახმოვანების პატენტს და ერთი წლის შემდეგ უშვებს მაგნიტოფონს G-Typ. მიუხედავად იმისა, რომ პროდუქცია ვიზუალურად მიმზიდველად არ გამოიყურებოდა, სწორედ ამ მაგნიტოფონმა დაუდო საფუძველი Sony-ს შემდგომ განვითარებას.
1950 წელს Sony ამერიკული კომპანია Western Electric – ისგან ყიდულობს ტრანზისტორების წარმოების ლიცენზიას. მალე ფირმის წარმოება იზრდება და გამოდის Sony-ს ცნობილი რადიომიმღები TR-2. ამავე დროს იწყება Sony-ს ტალევიზორების და ვიდეო მაგნიტოფონების. ყველა ეს მოწყობილობა მუშაობდა ტრანზისტორებზე (პირველი ტრანზისტორი შემუშავებული იქნა კომპანია Bell – ის კვლევით ლაბორატორიაში. მისი შემქმნელი იყო ტელეფონის გამომგონებელი ალექსანდრე გრემ ბელი) .
მორიტას ძირითადად მიმართულება ჰქონდა აღებული ხმოვანი აპარატურის წარმოებაზე, რის გამოც კომპანიას 1955 წელს ეწოდა სახელწოდება Sony, რომელისც ლათინურად ნიშნავს "ხმა" – ს.
1963 წელს Sony-მ გაიტანა თავისი აქციები ნიუ–იორკის საფონდო ბირჟაზე. კომპანია იყო პირველი იაპონური ბრენდი, რომელიც მოხვდა NYSE (New York Stock Exchange) – ს სიაში.
იმავე პერიოდში, იმისათვის, რომ უფრო მეტად დაემკვიდრებინა ამერიკულ ბაზარზე თავისი ბრენდი აკიო მორიტა ოჯახთან ერთად საცხოვრებლად გადადის შტატებში. 1968 წელს კომპანია უშვებს თავის პირველ ფერად Sony-ს ტელევიზორს Trinitron.
სწორედ მსოფლიო ბრენდმა Sony-მ პირველმა გამოუშვა მუსიკალური პორტატული ფირსაკრავი და ლაზერული დისკები (ლაზერული დისკები Sony-მ გამოიგონა კომპანია ფილიპსთან (Philips) >> ერთად 1980 წელს).
მნიშვნელოვანი გარდატეხა თანამედროვე ტექნიკის სფეროში Sony-მ მოახდინა 1990 წელს. შეიქმნა DVD, Blu-Ray და თანამედროვე ტიპის ტელევიზორი Bravia, სათამაშო მოწყობილობა Sony PlayStation და Sony PlayStation Portable, ნოუტბუკი Sony Vaio, ფოტოაპარატი Cyber-Shot, მობილური ტელეფონი Sony Ericsson. 1999 წლის 21 ოქტომბერს, 1993 წლიდან ინვალიდის სავარძელს მიჯაჭვული, კომპანია Sony-ს ლეგენდარული დამაარსებელი აკიო მორიტა გარდაიცვალა 78 წლის ასაკში.
მორიტას დაწერილი და გამოცემული აქვს ორი წიგნი, მათ შორის ცნობილი – "Made in Japan" . იგი იყო პირველი იაპონელი, რომელსაც მიღებული ჰქონდა დიდი ბრიტანეთის ხელოვნების ორდენი. აგრეთვე მას მიღებული აქვს დამსახურებული ლეგიონის ნაციონალური ორდენი და იაპონიის იმპერატორის წმინდა საგანძურის პირველი კატეგორიის ორდენი.
ამჟამადაც კომპანია Sony ერთ–ერთი წამყვანი მსოფლიო ბრენდია ისეთ სფეროებში, როგორიცაა საყოფაცხოვრებო და პროფესიონალური ელექტრო ტექნიკა; საინფორმაციო და სატელეკომუნიკაციო პროდუქციის წარმოება; გასართობი სფერო – მათ შორის კინოფილმების ( Columbia Pictures ) , მუსიკალური პროგრამების და კომპიუტერული თამაშების შექმნა–წარმოება; საინვესტიციო–საფინანსო საქმიანობა; ინტერნეტ პროექტების განხორციელება და ა.შ.
დამატებითი ლიტერატურა[რედაქტირება | წყაროს რედაქტირება]
- Made in Japan by Akio Morita and Sony, HarperCollins (1994)
- Sony: The Private Life by John Nathan, Houghton Mifflin Harcourt(1999)
- Sony Radio, Sony Transistor Radio 35th Anniversary 1955–1990 – information booklet (1990)
- The Portable Radio in American Life by University of Arizona Professor Michael Brian Schiffer, PhD (The University of Arizona Press, 1991).
- The Japan Project: Made in Japan – a documentary about Sony's early history in the U.S. by Terry Sanders.
რესურსები ინტერნეტში[რედაქტირება | წყაროს რედაქტირება]
შეგიძლიათ იხილოთ მედიაფაილები თემაზე „Sony“ ვიკისაწყობში.- ოფიციალური საიტი
სქოლიო[რედაქტირება | წყაროს რედაქტირება]
- ↑ Sony Global – Corporate Information. ციტირების თარიღი: 5 July 2016.
- ↑ 2.0 2.1 2.2 Consolidated financial results for the fiscal year ended March 2016, Sony Corporation (PDF).