სინუსი

სინუსი — ერთ-ერთი ტრიგონომეტრიული ფუნქცია; აღინიშნება sin სიმბოლოთი. მართკუთხა სამკუთხედში მახვილი კუთხის სინუსი ტოლია ამ კუთხის მოპირდაპირე კათეტის ფარდობისა ჰიპოტენუზასთან.

სიტყვა „სინუსის“ ეტიმოლოგია

ინდოელი მათემატიკოსები სინუსს აღნიშნავდნენ სიტყვით „ჯივა“ (სიტყვასიტყვით — მშვილდი). არაბებმა ეს ტერმინი გადააკეთეს „ჯიბად“, რომელიც შემდეგში „ჯაიბად“ გადაიქცა (ნიშნავს ტანსაცმლის ნაკეცს). ამ სიტყვას შეესაბამება ლათინური სიტყვა sinus.