სერბული დინარი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
სერბული დინარი
სერბ. Динар
5000 სერბული დინარი
5000 სერბული დინარი
კოდი ISO 4217 RSD
ქვეყანა სერბეთი
ოფიციალური
მომხმარებლები
*სერბეთის დროშა სერბეთი
შედგება 100 პარა
სიმბოლო РСД; და RSD
მონეტები 1, 2, 5, 10 და 20 სერბული დინარი;
ბანკნოტები 10, 20, 50, 100, 200, 500, 1000 და 5000 სერბული დინარი;
ცენტრალური ბანკი სერბეთის ეროვნული ბანკი
გაცვლითი კურსი
( 2011 1 იანვარი თვის)
1 USD = 81,9124 RSD
1 EUR = 104,456 RSD
1 GBP = 127,128 RSD

სერბული დინარი (სერბ. Динар) — ფულის ერთეული სერბეთში.

  • 1 სერბული დინარი შედგება 100 პარასგან;
  • კოდი ISO 4217 — «RSD»;
  • გრაფიკული სიმბოლო РСД; და RSD;
  • ამჟამად მიმოქცევაშია ბანკნოტები ნომინალით: 10, 20, 50, 100, 200, 500, 1000 და 5000 სერბული დინარი;
  • მონეტები ნომინალით: 1, 2, 5, 10 და 20 სერბული დინარი;

ისტორია[რედაქტირება]

სტეფან დუშანის მიერ 1346 წელს მოჭრილი მონეტა

სერბული დინარი პირველად ისტორიულ წყაროებში ჯერ კიდევ მე-XIII საუკუნეში სტეფან პირველშემკობილის ზეობის პერიოდში გვხვდება. ამ პერიოდიდან მოყოლებული დესპოტ სტეფან ლაზარევიჩის ტახტიდან ჩამოგდებამდე, ანუ 1459 წლამდე სერბი მმართველების უმრავლესობა დინარის ვერცხლის მონეტებს ჭრიდა, ხოლო სერბეთის იმპერიის პერიოდში კი დინარი უფრო მყარმა პერპერმა შეცვალა. პერპერი შუა საუკუნეების სერბული სახელმწიფოებრიობის მნიშვნელოვანი ატრიბუტი და სიმბოლო იყო.

პირველი შედარებით თანამედროვე დინარი სერბეთში მე-XIX საუკუნიდან გვხვდება. მანამდე, ოტომანთა დაპყრობების შედეგად, ბალკანეთის ამ ტერიტორიაზე მრავალი სხვადასხვა ვალუტა მიმოიქცეოდა, რისი კვალიც სერბულ დინარს დღემდე ეტყობა - მისი ქვევალუტის პარას სახელწოდება იგივეა, რაც თურქული მსგავსი მონეტისა და იგი არაბულად ვერცხლს ნიშნავს. 1868 წელს 1, 5 და 10 პარას დენომინაციის მონეტები გამოუშვეს, რომლის ავერსზეც პრინც მიჰაილო ობრენოვიჩ III-ს პორტრეტი იყო გამოსახული. მოგვიანებით, 1875 წელს ვერცხლის 50 პარა, 1, 2 და 5 დინარი მოიჭრა. ხოლო 1879 წელს კი პირველი ოქროს მონეტები მოიჭრა ჯერ 20, ხოლო მოგვიანებით 10 დინარისათვის. ეს უკანასკნელნი სპეციალურად მილან I-ის კორონაციისთვის 1882 წელს ჩამოასხეს, რის გამოც 10 დინარს ხალხში “მილანდორს” უწოდებდნენ, რაც ქართულად ითარგმნება, როგორც ოქროს მილანი.

სერბული დინარის პირველი ბანკნოტები დაიბეჭდა 1876 წელს. 1873 - 1894 წლებს შორის სერბული დინარი მიბმული იყო ფრანგულ ფრანკთან.

1918 წელს შეიქმნა იუგოსლავიის სამეფო, რომლის შემადგენლბაშიც იყო სერბეთი. სამეფოს შექმნიდან ორი წლის შემდეგ 1920 წელს სერბული დინარი შეცვალა იუგოსლავიურმა დინარმა.

1941 წელს მესამე რეიხის მიერ სერბეთის ოკუპირებული ნაწილებში იუგოსლავიური დინარი შეიცვალა სერბული დინარით, რომელიც მიმოქცევაში იყო 1944 წლამდე, როდესაც იუგოსლავიის სახალხო არმიამ ის შეცვალა იუგოსლავიური დინარით 1 იუგოსლავიური დინარი 20 სერბული დინართან თანაფარდობით.

2003 წელს, როდესაც იუგოსლავია გარდაიქმნა სერბეთის და ჩერნოგორიის სახელმწიფოთა კავშირად მიმოქცევაში შევიდა სერბული დინარი, რომელმაც შეცვალა მისი წინამორბედი იუგოსლავიური დინარი.


ბანკნოტები[რედაქტირება]

სერბეთში მიმოქცევაშია ბანკნოტები შემდეგი ნომინალით:

ავერსი რევერსი ნომინალი პორტრეტი
10RSD Front.jpg 10RSD Reverse.jpg 10 დინარი ვუკ კარაჯიჩი
20RSD Front.jpg 20RSD Reverse.jpg 20 დინარი პეტრე II. პეტროვიჩი
50RSD Front.jpg 50RSD Reverse.jpg 50 დინარი სტევან მოკრიანიაჩი
100RSD front.jpg 100RSD reverse.jpg 100 დინარი ნიკოლა ტესლა
200RSD Front.jpg 200RSD Reverse.jpg 200 დინარი ნადეჟდა პეტროვიჩი
500RSD 2007 obverse.jpg 500RSD 2007 reverse.jpg 500 დინარი იოვან ცვიიჩი
1000RSD front.jpg 1000RSD reverse.jpg 1000 დინარი ჯორჯ ვაიფერტი
5000 front.jpg 5000 back.jpg 5000 დინარი სლობოდან ჯოვანოვიჩი

იხილეთ აგრეთვე[რედაქტირება]

მსოფლიოს ვალუტები

რესურსები ინტერნეტში[რედაქტირება]