საპინდუსისებრნი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
საპინდუსისებრნი
Lychee.jpg
მეცნიერული კლასიფიკაცია
სამეფო: მცენარეები
ლათინური სახელი
Sapindaceae

საპინდუსისებრნი (Sapindaceae) — ორლებნიან მცენარეთა ოჯახი. ხეები, ბუჩქები ან მერქნიანი (იშვიათად ბალახოვანი) ლიანები. მათი მარტივი ან ფრთისებრი ფოთლები განლაგებულია მორიგეობით. პატარა ორსქესიანი ან იშვიათად ერთსქესიანი სურნელოვანი ყვავილები შეკრებილია კენწრულ ან უბის ციმოზურ ყვავილედებად. ოჯახი აერთიანებს 140 გვარის 1600-მდე სახეობას. გავრცელებულია აზიისა და ამერიკის ტროპიკებსა და სუბტროპიკებში. ყირიმსა და კავკასიაში (მათ შორის საქართველოშიც) კულტივირებულია მხოლოდ ერთი გვარი — კელრეუტერია. მისი სახეობები დეკორატიულია. ზოგიერთი საპინდუსისებრთა ქერქი, ფოთლები და ნაყოფი შეიცავს რძეწვენს, საპონინს (საპნის ხე და სხვა), ზოგის ნაყოფი და თესლი იჭმება. ზოგი ძვირფას მერქანს იძლევა.

ლიტერატურა[რედაქტირება]