სან-ფელიპე (იარაკუი)

სან-ფელიპე
	ბოლივარ პლასა, სან-ფელიპე
დროშა	გერბი
ქვეყანა	ვენესუელა
შტატი	იარაკუი
კოორდინატები	10°20′25″ ჩ. გ. 68°44′09″ დ. გ. /
ცენტრის სიმაღლე	250 მ
მოსახლეობა	220,786 კაცი (2001)
სიმჭიდროვე	467.766 კაცი/კმ²
სატელეფონო კოდი	0254
საფოსტო ინდექსი	3201
ოფიციალური საიტი	ბმული

სან-ფელიპე (ესპ. San Felipe) — ქალაქი ჩრდილოეთ-დასავლეთ ვენესუელაში, იარაკუის შტატის დედაქალაქი. მდებარეობს სეგოვიის მთიანეთის აღმოსავლეთ კალთებზე, ზღვის დონიდან 550 მ სიმაღლეზე. 2001 წლის აღწერის მონაცემებით ქალაქის მოსახლეობა შეადგენს 220,786 კაცს. დედაქალაქ კარაკასიდან დაშორებულია 270 კილომეტრით, პუერტო-კაბელიოდან 90 კილომეტრით. სასოფლო-სამეურნეო თვალსაზრისით გარშემო ტერიტორია მეტად მდიდარია. გაბატონებულია ტროპიკული კლიმატი. ჰაერის საშუალო წლიური ტემპერატურა უტოლდება 24,8°C-ს.

დაარსდა 1729 წელს. წარმოადგენდა კაკაოთი ვაჭრობის მნიშვნელოვან პუნქტს, მანამ იგი არ იმსხვერპლა კარაკასის 1812 წლის უძლიერესმა მიწისძვრამ. შემდეგ წლებში იგი ახალ ადგილზე გააშენეს. სან-ფელიპე კომერციული და საწარმოო ცენტრია, სადაც მიმდინარეობს შაქრის ლერწმის, ბამბის, კაკაოს, სიმინდის, ბრინჯისა და ხილის წარმოება. ამრავლებენ საქონელს. ვენესუელის ყოფილი პრეზიდენტი რაფაელ კალდერა ქალაქ სან-ფელიპეში დაიბადა. სან-ფელიპე კათოლიკური ეპარქიის რეზიდენციაა.