სანტა-ბარბარა (ტელესერიალი)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
სანტა-ბარბარა
Santabarbaratitle.jpg
ჟანრი საპნის ოპერა
ავტორი ჯერომ დობსონი, ბრიჯიტ დობსონი
მონაწილეობენ სია
ქვეყანა დროშა: ამერიკის შეერთებული შტატები აშშ
ეპიზოდი 2137[1]
კომპანია
პროდიუსერ(ებ)ი გერი ა. ბრაუნი (2005-)
თანაპროდიუსერები:
ელენ მარი ბლამი (2005-)
კერინ აშერი (2005-)
ხანგრძლივობა 60 წთ.
ეთერი
ორიგინალური არხი NBC
პირველად ეთერში ივლისი 30, 1984 (1984-07-30)
უკანასკნელად ეთერში იანვარი 15, 1993 (1993-01-15)

სანტა-ბარბარა (ინგლ. Santa Barbara) — ამერიკული, მსოფლიოში ოდესმე გადაღებულ საპნის ოპერებს შორის ყველაზე ხანგრძლივი სატელევიზიო სერიალი. სულ გადაღებულია 2137 სერია. სერიალში მოქმედება ხდება ქალაქ სანტა-ბარბარაში, კალიფორნიის შტატში. ოდნავ შემოკლებული ვარიანტით სერიალი წარმოდგენილი იყო 2123 სერიის სახით (უჩვენებდა გერმანია).

შინაარსი[რედაქტირება]

იდენი და კრუზი

სერიალში მოთხრობილია პატარა ქალაქში მცხოვრები მდიდარი ოჯახის — კეპუელების მრავალფეროვანი და მოვლენებით მდიდარი ცხოვრების შესახებ. გარდა კეპუელებისა, სერიალს ამდიდრებს სხვა ოჯახებიც: ლოკრიჯები, ანდრადეები და პერკინსები, რომელთა ცხოვრება სავსეა მოულოდნელობებითა და უამრავი პრობლებით.

პირველ სეზონში ცენტრალურ სიუჟეტად ჩენინგ კეპუელ უმცროსის მკვლელობაა წამოწეული, რომელიც სერიალში მოქმედებების დაწყებამდე ხუთი წლით ადრე მოხდა. პირველივე სერიებში ციხიდან გამოდის ჩენინგის მკვლელობისთვის გასამართლებული ჯო პერკინსი, რომელიც სანტა ბარბარაში ბრუნდება, რათა დაამტკიცოს, რომ მკვლელობა მისი ჩადენილი არ იყო.

სერიალი თავიდან ცოტა არეულად დაიწყო, თუმცა, სცენარისტებმა და პროდიუსერებმა ჯერომ დობსონმა და ბრიჯით დობსონმა მიწისძვრისა და სერიული მკვლელის დახმარებით ზედმეტი მსახიობები მალევე მოაცილეს ეკრანებიდან. მიწისძვრის სიუჟეტი სერიალში სხვდასხვანაირად იქნა აღქმული; ზოგიერთი პერსონაჟი მეტისმეტად შეაშინა, ზოგი ერთს კი რეაქცია თითქმის არ ჰქონია. ასე მაგალითად, მინსქ ლოკრიჯმა (ლაიენოლ ლოკრიჯის დედამ) განაცხადა, რომ 1984 წლის მიწიძვრა ვერც კი შეედრება 1925 წლის მიწისქვეშა ბიძგებს.

სერიალმა ისეთი პერსონაჟების შეგროვებით, როგორებიცაა იდენ კეპუელი (მერსი უოლქერი), კრუზ კასტილიო (ეი მარტინესი), სისი კეპუელი (ჩარლზ ბეითმენი, მოგვიანებით ჯედ ალენი) და მისი მეუღლე სოფია არმონტი (ჯუდით მაქქონელი), მეისონ კეპუელი (ლეინ დეივისი) და ჯულია უეინ-რაიტი (ნენსი ლი გრანი), ჯინა ბლეიქ კეპუელ დემოთ თიმონზი (ლინდა ჯიბონი, მოგვიანებით რობინ მეთსონი), ავგუსტა და ლაიონელ ლოკრიჯები (ლუის სორელი და ნიკოლას ქოსთერი), დიდ წარმატებასა მაღალ სამსახიობო დონეზს მიაღწია, სერიალი რეიტინგებში წლების მანძილზე პირველ ადგილს იკავებდა.

სერიალი ცნობილია თავისი კომედიური სტილითა და უჩვეულო სცენარით. მაგალითისთვის ისიც კმარა, თუკი 1986 წლის 14 ივლისის შემდგომ სერიას ავიღებთ, როდესაც ყოფილი მონოზანი, მერი დიუვალ-მაქქონაჰი კეპუელების სასტუმროს დიდმა ასო "C"-მ მოკლა (გვარი კეპუელი ინგლისურად ასე იწერება: Capwell). ეს შეიძლება ფილმ ”American Dad”-ზე იყოს მინიშნება, როდესაც პერსონაჟი ამბობს: ჩემი ცოლი ასო C-მ მოკლაო, ოღონდ ამ ასოთი დაწყებულ Cancer-ს (კიბო) კი არ გულისმობს, არამედ, Coca-Cola-ს (კოკა კოლას).

მიუხედავად ფანების უამრავი წერილისა, დაებრუნებინათ მერი სერიალში, მსახიობმა ჰარლი ჯეინ ქოზაქმა პრესის მეშვეობით შეატყობინა ხალხს, რომ არანაირ საპნის ოპერაში გადაღებას აღარ აპირებდა.

1988 წელს დობსონებს გადასაღებ მოედანზე მისვლა აეკრძალათ, რადგან, მათ რამდენიმეჯერ სცადეს სცენარისტის გაგდება, თუმცა, უშედეგოდ. მათ სასამართლოში იჩივლეს და გაიმარჯვეს კიდეც. ამან სერიალის რეიტინგი მაინც ვეღარ ასწია, იმის მიუხედავად, რომ ”სანტა ბარბარამ” სამჯერ მოიგო ემის ჯილდო და დღის საუკეთესო დრამად დასახელდა.

ჯილ ფარენ ფელპსის ხელმძვანელობით, სერიალის წამყვან წყვილად კვლავ იდენი და კრუზი იქცნენ. ერთ-ერთ სადაო ხაზად კი იდენის სასტიკი გაუპატიურება და იმის აღმოჩენა იქცა, რომ მოძალადე მისივე ყოფილი გინეკოლოგი ზაქ ქელთონი (ლი მაქქლოსკი) აღმოჩნდა. თუმცა, მსახიობს თავისი პერსონაჟი არ მოსწონდა და ამბობდა, რომ ქალებს თავიანთი გინეკოლოგების არ უნდა ეშინოდეთ. ფელპსი სერიალიდან 1990-იანების დამდეგიდან წავიდა, რადგან ის ჩამოაქვეითეს და აღმასრულებელ პროდიუსერად ჯონ ქონბოჲ დანიშნეს, რომელიც მალევე შეცვალა სერიალის ბოლო პროდიუსერმა პოლ რაუხმა. (ალბათ ბედის ირონიაა, რომ ეს სამივე პროდიუსერი მოგვიანებით სერიალში ”გზამკვლევი შუქი” (Guiding Light) შეიყარნენ.

სერიალ სანტა-ბარბარადან ბევრი მსახიობი წავიდა სხვდასხვა მიზეზით: კელი კეპუელის როლის შემსრულებელი რობინ რაიტი, მერსი უოლქერი (იდენი), ჯასთინ დიასი და სხვა. პოპულარული მსახიობი ლუის სორელი (ავგუსტა) იმიტომ გაათავისფლეს სერიალიდან, რომ მისი პერსონაჟი დის ჯულიას გამაუპატიურებლის საყვარელი არ ითამაშა. იდენი, კრუზი და ლოკრიჯების ოჯახის ბევრი პერსონაჟიც იქნა მოცილებული სერიალიდან და ისინი სხვა პერსონაჟებმა ჩაანაცვლა, რამაც საბოლოოდ დასცა სანტა-ბარბარას პრესტიჟი და რეიტინგი, ამან კი სერიალის დროზე ადრე დასრულების გადაწყვეტილება მიაღებინა პროდიუსერებს. საბოლოო სერია 1993 წლის 14 იანვარს გამოვიდა. დამასრულებელ ეპიზოდში სოფია და სისი საბოლოოდ შერიგდნენ, კელიმაც (მათი უმცროსი ქალიშვილი) იპოვა ნამდვილი სიყვარული ქონორ მაქქეიბთან (ჩარლზე გრანთი), რომელსაც უორენ ლოკრიჯისა და ბიჯეის ქორწილზე ენდი ქლეინის განიარაღება მოუწია.

მსახიობები[რედაქტირება]

კეპუელები[რედაქტირება]

ლოკრიჯები[რედაქტირება]

პერკინსები[რედაქტირება]

ანდრადეები[რედაქტირება]

კასტილიოები[რედაქტირება]

რესურსები ინტერნეტში[რედაქტირება]

სქოლიო[რედაქტირება]

  1. [1]", NBC. URL last accessed 2008-06-16