სანსკრიტი

სანსკრიტი संस्कृतम
გავრცელებულია	ინდოეთი
მოლაპარაკეთა რაოდენობა	49 736 მშობლიური ენა
ოფიციალური სტატუსი	კლასიკური ენა
ლინგვისტური კლასიფიკაცია	ინდოევროპული ენა ინდოირანული შტო ინდოარიული ენები
დამწერლობის სისტემა	დევანაგარი
ენის კოდები	ISO 639-1: sa ISO 639-2: san ISO/DIS 639-3: san

სანსკრიტი (სანსკრ. संस्कृत(სამსკრტა) — დამუშავებული, სრულქმნილი, „შედგენილი“) — ინდოეთის უძველესი ლიტერატურული ენა. სანსკრიტზე შეიქმნა ოთხი ვედა, ინდური ნაციონალური ეპოსები რამაიანა (თქმულება რამაზე) და მაჰაბჰარატა (ბჰარატთა ისტორია), ასევე უამრავი რელიგიურ-ფილოსოფიური ტრაქტატი (შასტრები, სმრიტები, უპანიშადები, პურანები) და სხვა.

უძველესი დროიდან სანსკრიტს ფლობდნენ ინდოელი ქურუმები (ბრაჰმანები), რომლებიც საუკუნეების განმავლობაში ენის ურთულეს გრამატიკას და სანსკრიტზე ოდითგანვე შექმნილ უზარმაზარ ლიტერატურას მასწავლებლისგან (გურუ) მოსწავლეზე ზეპირად გადასცემდნენ.
დაბალი წარმოშობის მოსახლეობისთვის სანსკრიტთან ხელშეხება დაშვებული არ იყო.
დღეისთვის სანსკრიტი ლათინურის, ძველბერძნულისა და ძველებრაულის მსგავსად მკვდარი კლასიკური ენაა.

სანსკრიტისთვის გამოიყენება დამწერლობა დევანაგარი.

იხილეთ აგრეთვე

• სანსკრიტული ლიტერატურა

რესურსები ინტერნეტში

• Academic სანსკრიტის აკადემიური კურსი, მსოფლიოს მასშტაბით
• სანსკრიტის პოპულარიზაციის ორგანიზაცია
• სანსკრიტის ალფავიტი - დევანაგარი, გუჯარატი, ბენგალი და ტაის სკრიპტები