სამი ვარსკვლავის ორდენი

სამი ვარსკვლავის ორდენი

სამი ვარსკვლავის ორდენი (ლატვ. Triju Zvaigžņu ordenis) — უმაღლესი სახელმწიფო ჯილდო ლატვიის რესპუბლიკაში. ორდენი პირველად დაარსდა 1924წლის 24 მარტს 1918 წლის 18 ნოემბერს ლატვიის სახელმწიფოს შექმნასთან დაკავშირებით.

ორდენი თავიდან იქნა დაარსებული 1994 წელს, ლატვიის დამოუკიდებლობის აღდგენის შემდეგ.

სამი ვარსკვლავის ორდენით ჯილდოვდებიან საზოგადოებრივი, კულტურული, სამეცნიერო, სპორტული და ბიზნესის სფეროში მოღვაწეობისათვის.

აღწერა

სამი ვარსკვლავის ორდენის ხარისხები

„სამი ვარსკვლავის ორდენს“ გააჩნია ხუთი ძირითადი ხარისხი და სამი ხარისხის მედალიː

1. ხუთი ძირითადი ხარისხი – 1-ლი, მე–2, მე–3, მე–4 და მე–5 ხარისხის.

2. სამი ხარისხის მედალი — სამი ვარსკვლავის ორდენის ოქროს, ვერცხლის და ბრინჯაოს მედლები.

ორდენის მხატვრული გაფორმების ელემენტები, ჯაჭვი და ვარსკვლავები

ორდენი წარმოადგენს რვაქიმიანი მალტური ჯვრის ფორმას, რომელიც დაფარულია თეთრი მინანქრით ბოლოებზე ოქროს ბურთულაკებით და სხივებით ჯვრის მკლავებს შორის. ცენტრში ცისფერი მინანქარია ოქროს კანტით, რომელზეც გამოსახულია სამკუთხედის ფორმით განლაგებული სამი ოქროს ვარსკვლავი. ოქროსფერი კანტი მორთულია გეომეტრიული ფიგურებით. ̃ წინა და უკანა მხარეები ცენტრალური ნაწილის გარდა მსგავსია. ცენტრში გამოსახულია წარწერაː „LATVIJAS REPUBLIKA 1918 G. 18 NOVEMBRIS“მ რაც ნიშნავს — „ლატვიის რესპუბლიკა 1918 წლის 18 ნოემბერი“. კანტის გარშემო არის წარწერაː „PER ASPERA AD ASTRA“, რაც ნიშნავს — „გაჭირვების გზით ვარსკვლავებისკენ“. ქვემოთ ხუთქიმიანი ვარსკვლავია.

ვერცხლის ორდენის ვარსკვლავი ათქიმიანია, სადაც ხუთი სხივი დანარჩენებზე უფრო დიდია. მედალიონის ცენტრში ცისფერ მინანქარზე გამოსახულია სამკუთხედად განლაგებული სამი ხუთქიმიანი ოქროსფერი ვარსკვლავი. მედალიონი შემოსაზღვრულია ოქროსფერი კანტით და ზედ წარწერითː„PAR TEVIJU“, რაც ნიშნავს „მამულისათვის“, რომელიც ასევე თავის მხრივ გარშემოსაზღვრულია მუხის გვირგვინით.

• <center
• 
  ორდენი ვარსკვლავი

ორდენის ნიშნები

1-ლი ხარისხის ორდენი, ჯაჭვით	1-ლი ხარისხის ორდენი	1-ლი ხარისხის ორდენი, ქალთა დასაჯილდოებლად
მე–2 ხარისხის ორდენი	მე–2 ხარისხის ორდენი, ქალთა დასაჯილდოებლად	მე–3 ხარისხის ორდენი
მე–3 ხარისხის ორდენი, ქალთა დასაჯილდოებლად	მე–4 ხარისხის ორდენი	მე–5 ხარისხის ორდენი

რესურსები ინტერნეტში

• ლატვიის ორდენები დაარქივებული 2012-07-31 საიტზე Wayback Machine.
• ორდენები