რეზუსი

რეზუსი (Macaca mulatta), ცხვირვიწრო მაიმუნი მაკაკის გვარისა. მისი სხეულის სიგრძე 60 სმ აღწევს. შეფერილია მომწვანო-მოყვითალოდ. გავრცელებულია სამხრეთ-აღმოსავლეთ აზიაში ინდოსტანის ნახევარკუნძულის ჩათვლით; გვხვდება ჰიმალაებში, ნეპალიდან ჩრდილოეთ ბირმამდე. ბინადრობს ხეზე, თუმცა ხშირად ჩამოდის მიწაზე. კარგად ცურავს და ყვინთავს. ქმნის ხროს, რომელიც 20-მდე სულისაგან შედგება. მაკეობა 164 დღე გრძელდება, შობს 1 ნაშიერს, რომელსაც დედალი წლამდე კვებავს. რეზუს იყენებენ როგორც ლაბორატორიულ ცხოველს სამედიცინო და ბიოლოგიური ექსპერიმენტებისთვის.

ლიტერატურა

• ქსე, ტ. 8, გვ. 340, თბ., 1984

რესურსები ინტერნეტში

• ARKive - images and movies of the rhesus macaque (Macaca mulatta)
• Brain Maps and Brain Atlases of Rhesus Macaque
• Primate Info Net Macaca mulatta Factsheet
• Macaca mulatta Genome