რეალ მადრიდ კასტილია

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
რეალ მადრიდ კასტილია
Real Madrid Castilla
Real Madrid.png
სრული სახელი

Real Madrid Castilla

Club de Fútbol
დაარსდა 16 დეკემბერი, 1930
სტადიონი ალფრედო დი სტეფანო
(ტევადობა: 6,500 მაყურებელი)
პრეზიდენტი ესპანეთის დროშა რამონ კალდერონი
მწვრთნელი ესპანეთის დროშა ჟულიენ ლოპოტეგი
ლიგა სეგუნდა ბ
2007-08 მეხუთე ადგილი
ძირითადი ფორმა
რეზერვის ფორმა

რეალ მადრიდ კასტილია — ესპანური საფეხბურთო კლუბი. ის მადრიდის რეალის სარეზერვო გუნდია. დაარსდა 1930 წლის 16 დეკემბერს.

ისტორია[რედაქტირება]

AD Plus Ultra[რედაქტირება]

1948 წელს, საფეხბურთო კლუბმა, Agrupación Deportiva Plus Ultra, რომელიც ტერსერა დივიზიონში ასპარეზობდა, თანხმობა განაცხადა გამხდარიყო მადრიდის რეალის სარეზერვო გუნდი. ხელშეკრულება არაოფიციალურად 1930 წელს გაფორმდა. რეალმა AD Plus Ultra-ს ფინანსური მხარდაჭერა აღუქვა. 1949 წელს გუნდს დებიუტი უკვე სეგუნდა დივიზიონში ჰქონდა. 1952 წლიდან კი რეალის სარეზერვო გუნდად ოფიციალურად იქცა. 1954 წელს რეალის სარეზერვო გუნდმა ესპანეთის 19-წლამდელთა ჩემპიონატი მოიგო, დაამარცხა რა ფინალში ესპანიოლი, ანგარიშით 2-1. 1959 წელს კი გუნდმა მიაღწია კოპა დელ რეის გათამაშების 1/4-ფინალს, სადაც ორი მატჩის ჯამში ანგარიშით 7-2 დამარცხდა, ტურნირის მომავალ გამარჯვებულ, გრანადასთან.

1950-იან და 60-იან წლებში რეალის ისეთმა ვარსკვლავებმა, როგორებიც იყვნენ: სარაგა, მატეოსი, მარშალი, კასადა, ვილია, ვიდალი, სერენა და გროსო, კარიერის საწყისი პერიოდი სწორედ AD Plus Ultra-ში გაატარეს. ამ კლუბში მცირე დროით ლუის არაგონესიც ასპარეზობდა, ხოლო მიგელ მუნიოსმა სამწვრთნელო კარიერა სწორედ აქედან დაიწყო. 1972 წლის 21 ივლისს AD Plus Ultra-მ სახელი შეიცვალა და ამიერიდან ის უკვე იწოდება, როგორც Castilla Club de Fútbol.

Castilla CF[რედაქტირება]

კასტილიას ოქროს ხანა 80-იანი წლებით თარიღდება, მაშინ როცა, ამ კლუბში ისეთი ფეხბურთელები ასპარეზობდნენ, როგორებიც იყვნენ, აგუსტინი, გალეგო, პინედა. 1979-80 წ.წ სეზონში კლუბი კოპა დელ რეის გათამაშების ფინალშიც გავიდა. გზად კი კასტილიამ პრიმერას გუნდებიც დაამარცხა: ერკულესი, ბილბაო, რეალ სოსიედადი და ხიხონის სპორტინგი. თუმცა, ფინალში კასტილია მადრიდის რეალთან განადგურდა, 6-1. გამომდინარე იქიდან, რომ რეალს უკვე მოგებული ჰქონდა ლა ლიგა, კასტილიამ თასების მფლობელთა თასზე მიიღო მონაწილეობა, სადაც პირველივე რაუნდში ვესტ ჰემს დაუპირისპირდა. პირველი მატჩი სანტიაგო ბერნაბეუზე კასტილიას გამარჯვებით დასრულდა, 3-1. ლონდონში კი ესპანელები დამატებით დროში 5-1 დამარცხდნენ და გათამაშებას გამოეთიშნენ. კოპა დელ რეის 1/4-ფინალს კი რეალის სარეზერვო გუნდმა კიდევ 3-ჯერ უწია: 1984, 1986 და 1988 წლებში.

1984 წელს ამანსიო ამაროს თავკაცობით კასტილიამ სეგუნდა დივიზიონი მოიგო. სწორედ ამ დროს იცავდნენ გუნდის ღირსებას ე.წ. La Quinta del Buitre-ს წარმომადგენლები: ემილიო ბუტრაგენიო, მანოლო სანჩისი, რაფაელ მარტინ ვასკესი, მიჩელი და მიგელ პარდესა. მიუხედავად გამარჯვებისა, კასტილია პრიმერაში მაინც არ დაუშვეს, რადგან მადრიდის რეალი უკვე ასპარეზობდა ესპანეთის უმაღლეს საფეხბურთო დივიზიონში. იგივე განმეორდა 1987/88 წ.წ სეზონშიც, როცა კასტილიამ სეგუნდაში მესამე ადგილი დაიკავა.

Real Madrid B[რედაქტირება]

1991 წელს ესპანეთის ფეხბურთის ფედერაციამ საფეხბურთო კლუბების სარეზერვო გუნდებს განსხვავებული სახელების ტარება აუკრძალა. ამგვარად, სახელი კასტილიასაც გადაერქვა და ის ჯერ Real Madrid Deportiva-ს, შემდეგ კი Real Madrid B-ს სახელს ატარებდა. 1990-იანი წლების დასაწყისში კასტილიას ყოფილმა მოთამაშეებმა ვისენტე დელ ბოსკემ და რაფაელ ბენიტესმა თავიანთი სამწვრთნელო კარიერა სწორედ ამ კლუბში დაიწყეს. 1997 წელს რეალ მადრიდ ბ სეგუნდა ბ-ში გავარდა, თუმცა მიუხედავად ამისა, ის მაინც აგრძელებდა ძლიერი ფეხბურთელების გაზრდას. მათ შორის იყვნენ: რაული, რაულ ბრავო, იკერ კასილასი და გუტი. მოგვიანებით ეს მოთამაშეები რეალის წამყვან ფეხბურთელებად იქცნენ. აღსანიშნავია, რომ რეალის ახალგაზრდული გუნდის სხვა მოთამაშეები - ისმაელ ურსაისი, სანტიაგო კანისარესი, მისტა და ლუის გარსია ფერნანდესი ასევე წარმატებით ასპარეზობდნენ ლა ლიგის სხვადასხვა კლუბებში.

Real Madrid Castilla[რედაქტირება]

2004/05 წ.წ სეზონში ხუან რამონ ლოპეს კაროს მეთაურობით რეალ მადრიდ ბ ისევ დაუბრუნდა სეგუნდა დივიზიონს. იმავე წელს კლუბს სახელი ისევ გადაერქვა და მას შემდეგ მოიხსენიება, როგორც Real Madrid Castilla. 2006 წელს კი რეალის სავარჯიშო ცენტრს, სიუდად რეალ მადრიდს სახელი გადაარქვეს და მას ალფრედო დი სტეფანოს სახელობის სტადიონი უწოდეს, რომელიც კასტილიას საშინაო არენაა. ფრანსისკო მორენო კარინენა კი უკანასკნელი 16 წლის მანძილზე კლუბის პირველი დამოუკიდებელი პრეზიდენტი გახდა.

კასტილია კი კვლავაც აგრძელებდა რეალის მომარაგებას ნიჭიერი ფეხბურთელებით, რომელთა შორის იყვნენ: რობერტო სოლდადო, რომელიც ამჟამად ხეტაფეში ასპარეზობს. ალვარო არბელოა კი ინგლისური ლივერპულის ღირსებას იცავს.

2006-07 წ.წ სეზონში, გუნდის ყოფილი ფეხბურთელის, მიჩელის თავკაცობით, კასტილია სეგუნდა ბ-ში გავარდა. სეზონის ბოლოს კი, როგორც მოსალოდნელი იყო, გუნდი ლიდერებმა დატოვეს: რუბენ დე ლა რედმა და ესტებან გრანერომ არენდით ხეტაფეს მიაშურეს. ხავი გარსია ოსასუნაში გადაბარგდა. გარდა ამისა კლუბი დატოვეს ხუან მატამ და ალვარო ნეგრედომ.

2008 წლის 11 ივლისს ჟულიენ ლოპოტეგი ოფიციალურად დაინიშნა კასტილიას მთავარი მწვრთნელის პოსტზე. ის რეალის სარეზვო გუნდს ორი წლის განმავლობაში უთავკაცებს.

შემადგენლობა[რედაქტირება]

სახელი ნომერი ეროვნება
მეკარე
ანტონიო ადანი (კაპიტანი) 1 ესპანეთის დროშა
ფელიპე 13 ესპანეთის დროშა
ტომასი - ესპანეთის დროშა
მცველი
კრისტოფერ შორხი 5 გერმანიის დროშა
დავიდ მატეოსი 16 ესპანეთის დროშა
ხავიერ ველაიოსი 19 ესპანეთის დროშა
გარი 22 ურუგვაის დროშა
სანტიაგო ვილაფანე 24 არგენტინის დროშა
ჩემა ანტონი 25 ესპანეთის დროშა
დანიელ ოპარე - განის დროშა
აგუსი - ესპანეთის დროშა
ნახევარმცველი
მარკოს ტებარი 6 ესპანეთის დროშა
პედრო მოსკერა 14 ესპანეთის დროშა
დავიდ ვასკესი 10 ესპანეთის დროშა
ხავი მოდრეგო 15 ესპანეთის დროშა
ხავი ერნანდესი - ესპანეთის დროშა
ხოსე ზამორა - ესპანეთის დროშა
ფრან რიკო - ესპანეთის დროშა
თავდამსხმელი
გორკა 6 ესპანეთის დროშა
ადამ სჟალაი 7 უნგრეთის დროშა
ალბერტო ბუენო 11 ესპანეთის დროშა
ედუარდ კაბამბა - ბელგიის დროშა
მიგელ პალანკა - ესპანეთის დროშა
ალიპიო - ბრაზილიის დროშა
ხავიერ აკუნია - პარაგვაის დროშა
  • 23-წლამდე მოთამაშეები (მაქსიმალური რაოდენობა - 6)

სტატისტიკა 2007/08[რედაქტირება]

სეგუნდა ბ ადგ ქულ. გტ გშ
რეალ კასტილია 5 61 38 17 10 11 60 42
  • ბომბარდირები
    • ხოსე კალეხონი - 21 გოლი
    • პარეხო - 10 გოლი
    • ხუანმი კალეხონი - 9 გოლი
    • ნიეტო - 5 გოლი
    • სჟალაი - 4 გოლი
    • ბუენო - 4 გოლი
    • გარი - 2 გოლი
    • ვასკესი - 1 გოლი
    • სერხიო - 1 გოლი
    • მოსკერა - 1 გოლი
    • მარკოს ტებარი - 1 გოლი
    • ანტონი - 1 გოლი
  • ტოპ მეკარეები
    • ფელიპე - 24 გოლი 23 მატჩში
    • ანტონიო ადანი - 13 გოლი 11 მატჩში
    • ტომასი - 5 გოლი 5 მატჩში

ტიტულები[რედაქტირება]

  • ესპანეთის 19-წლამდელთა ჩემპიონატი: 2
    • 1953/54, 2005/06
  • ტეიდეს თასი (ტენერიფე): 3
    • 2001, 2002, 2005

ცნობილი მოთამაშეები[რედაქტირება]

მწვრთნელები[რედაქტირება]

რესურსები ინტერნეტში[რედაქტირება]

Soccer.png  პორტალი ფეხბურთი — დაათვალიერეთ ვიკიპედიის სხვა სტატიები ფეხბურთზე.