რაზდანი (მდინარე)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Disambig-dark.svg სხვა მნიშვნელობებისთვის იხილეთ რაზდანი.
რაზდანი (ზანგა)
Arasrivermap.jpg
დახასიათება
სიგრძე 141 კმ
აუზის ფართობი 7310 კმ²
ჩაედინება არაქსი
ქვეყნები სომხეთის დროშა სომხეთი
ქალაქები სევანი, რაზდანი, ჩარენცავანი, არზნი, ერევანი.

რაზდანი, სომხ. Հրազդան, ზანგამდინარე სომხეთში, მდინარე არაქსის მარცხენა შენაკადი (მტკვრის აუზი). სიგრძე 141 კმ, აუზის ფართობი სევანის ტბის აუზთან ერთად 7310 კმ2, საკუთრივ რაზდანისა — 2560 კმ2. სათავე აქვს სევანის ტბაში. ზემოთში მთის მდინარეა, ქვემოთ არარატის ვაკეზე მიედინება. ბუნებრივ პირობებში (ჰესების კასკადის შექმნამდე) წყლის საშუალო ხარჯი სათავესთან დაახლოებით 2 მ3/წმ შეადგენდა, შესართავთან ახლოს — 17,9 მ3/წმ. რაზდანზე აგებულია სევანის ჰიდროელექტროსადგურების კასკადი. მდინარეს იყენებენ აგრეთვე სარწყავად. რაზდანის ნაპირზეა ქალაქები: სევანი, რაზდანი, ჩარენცავანი, არზნი, ერევანი.

ლიტერატურა[რედაქტირება]