ჟენევის კანტონი

ჟენევის რესპუბლიკა და კანტონი
République et Canton de Genève

გერბი
ქვეყანა	შვეიცარია
სტატუსი	კანტონი
ადმინისტრაციული ცენტრი	ჟენევა
ოფიციალური ენები	ფრანგული
მოსახლეობა (2011)	466 536 კაცი
სიმჭიდროვე	1 700 კაცი/კმ²
ფართობი	282,48 კმ²
სიმაღლე ზღვის დონიდან  - უმაღლესი წერტილი  - ყველაზე დაბალი წერტილი	516 მ  332 მ
აბრევიატურა	GE
ოფიციალური ვებ-გვერდი
	Canton of Geneva

ჟენევის რესპუბლიკა და კანტონი (ფრანგ. République et Canton de Genève; გერმ. Republik und Kanton Genf; იტალ. Repubblica e Canton Ginevra) — კანტონი შვეიცარიის ფრანგულენოვან ნაწილში, ქვეყნის უკიდურეს დასავლეთში. თითქმის ყველა მხრიდან შემოსაზღვრულია საფრანგეთის ტერიტორიით. შვეიცარიის სხვა რამდენიმე კანტონის მსგავსად (ტიჩინო, ნევშატელი და იურა), ჟენევას შვეიცარიის კონფედერაციაში რესპუბლიკის სახელით მოიხსენიებენ. ფართობი 282 კმ²-ს შეადგენს.

ჟენევის კანტონი შვეიცარიის უკიდურეს დასავლეთ კუთხეში მდებარეობს და ქვეყნის ერთ-ერთ ყველაზე კოსმოპოლიტურ რეგიონად მიიჩნევა. კანტონზე დიდი გავლენა მოახდინა ქალაქმა ჟენევამ, კალვინისტური რეფორმაციის ცენტრმა. შვეიცარიის კონფედერაციას შეუერთდა 1815 წელს.

კანტონის კონსტიტუცია 1847 წელს მიიღეს, თუმცა მას მერე რამდენჯერმე შეიცვალა. მთავრობას შვიდი წევრი ჰყავს, რომელთაც ოთხწლიანი ვადით ირჩევენ. ადმინისტრაციულად კანტონი 45 მუნიციპალიტეტად იყოფა.

2011 წლის მონაცემებით, მოსახლეობა 466 536 ადამიანს შეადგენს. 40% კათოლიკეა, 17% კი პროტესტანტი (2000 წ).

კანტონის ეკონომიკის უდიდესი ნაწილი ქალაქ ჟენევაში იყრის თავს. იგი ვაჭრობის, კომერციისა და ფინანსების ცენტრია. ასევე საერთაშორისო დონეზეა აღიარებული მისი, როგორც საფინანსო ცენტრის როლი. შვეიცარიის ბანკების უდიდესი ნაწილი სწორედ ჟენევაში იყრის თავს.

რესურსები ინტერნეტში

• ოფიციალური ვებ-გვერდი (ფრანგული)
• ოფიციალური სტატსიტიკა