პორტალი:მთავარი გვერდი (მობილური)
ვიკიპედიიდან, თავისუფალი ქართულენოვანი ენციკლოპედიიდან
თუ თქვენ მოძველებულ თარიღს ხედავთ, გთხოვთ გაწმინდოთ ქეში.
- 1649 : საფრანგეთის მთავრობა და ფრონდა ხელს აწერენ რუელის მშვიდობას, რამაც ქვეყანა სამოქალაქო ომისგან იხსნა.
- 1801 : გადამდგარმა ოფიცრებმა საკუთარ საძინებელში რუსეთის იმპერატორი პავლე I მოკლეს, რამაც ტახტისკენ გზა გაუხსნა მის ვაჟს, ალექსანდრე I-ს.
- 1851 : ვენეციაში ჯუზეპე ვერდის ოპერა „რიგოლეტოს“ პრემიერა შედგა.
- 1917 : პირველი მსოფლიო ომი: ბრიტანეთის ჯარებმა სერ სტენლი მოდის ხელმძღვანელობით ოსმალეთის იმპერიის სამხრეთის დედაქალაქი ბაღდადი აიღეს.
- 1918 : ბოლშევიკებმა რუსეთის დედაქალაქი პეტროგრადიდან მოსკოვში გადაიტანეს.
- 1990 : ლიტვამ საბჭოთა კავშირისგან დამოუკიდებლობა გამოაცხადა.
- 2003 : საერთაშორისო კრიმინალური სასამართლოს (ლოგო სურათზე) საინაუგურაციო სხდომა შედგა ჰააგაში.
რჩეული სტატია
ერნესტო რაფაელ გევარა დე ლა სერნა (დ. 14 ივნისი, 1928 — გ. 9 ოქტომბერი, 1967) — საყოველთაოდ ცნობილი, როგორც „ჩე გევარა“, ან „ელ ჩე“ იყო არგენტინელი ექიმი, მარქსისტი რევოლუციონერი, პოლიტიკოსი, კუბის პარტიზანული ლიდერი. მისი სტილიზებული სახე გახდა წინააღმდეგობის საყოველთაოდ გავრცელებული კონტრკულტურული სიმბოლო და სახალხო კულტურის გლობალური ნიშანი.
როგორც სამედიცინო ფაკულტეტის ახალგაზრდა სტუდენტი, გევარა მთელს ლათინურ ამერიკაში მოგზაურობდა და იგი სწრაფად გარდაქმნა იმ სიღარიბემ და გაუცხოვებამ, რასაც ის ამ მოგზაურობისას აწყდებოდა. მოგზაურობებისას მიღებულმა გამოცდილებამ და დაკვირვებებმა მას გამოატანინა დასკვნა, რომ რეგიონში ფესვგადგმული ეკონომიკური უთანასწორობა კაპიტალიზმის, მონოპოლიზმის, ნეოკოლონიალიზმისა და იმპერიალიზმის ნიშანდლობლივი შედეგი იყო, რისი ერთადერთი წამალიც მსოფლიო რევოლუცია იყო. მისმა ღრმა რწმენამ ბიძგი მისცა მის ჩართულობას გვატემალის რეფორმებში პრეზიდენტ ხაკობო არბენსის მეთაურობით, რომლის დამხობის შემდეგაც, რაც სავარაუდოდ აშშ-ის ცენტრალურ სადაზვერვო სააგენტოს მიეწერება, ჩე გევარას პოლიტიკური იდეოლოგია უფრო გამტკიცდა. მოგვიანებით, როდესაც მეხიკოში ცხოვრობდა, ის რაულ და ფიდელ კასტროებს შეხვდა, შეუერთდა 26 ივლისის მოძრაობას და მათთან ერთად კუბისაკენ გასცურა იახტა გრანმათი. მათი მიზანი დიქტატორ ფულხენსიო ბატისტას რეჟიმის დამხობა იყო, რომელსაც ზურგს აშშ უმაგრებდა. გევარა სულ მალე დაწინაურდა ამბოხებულებს შორის, იგი მეორე იყო სარდლობაში და გადამწყვეტი როლი ითამაშა ორწლიან პარტიზანულ ომში, რომელმაც საბოლოოდ ბატისტას რეჟიმი დაამხო...
სიახლეები
- საქართველოს მორაგბეთა ეროვნულმა ნაკრებმა რუმინეთის ეროვნული ნაკრები ანგარიშით 19:13 დაამარცხა.
- ვლადიმერ პუტინი მესამე ვადით აირჩიეს რუსეთის პრეზიდენტად.
- ჩინელი არქიტექტორი ვანგ შუ პრიცკერის პრემიის გამარჯვებული გახდა.
- საქართველოს მორაგბეთა ნაკრებმა 32:7 პორტუგალიის გუნდი დაამარცხა.
- საქართველოში დაჯავშნული საბრძოლო მანქანა „ლაზიკის“ (სურათზე) პრეზენტაცია გაიმართა.
- ლატვიაში ჩატარდა რეფერენდუმი, რომელშიც მოსახლეობამ მხარი არ დაუჭირა რუსული ენისთვის მეორე სახელმწიფო ენის სტატუსის მინიჭებას.
იცით თუ არა...
ვიკიპედიის ახალი მასალებიდან:
- ... ბრიტანელ მომღერალ იენ გილანს თავის მეუღლე ბრონთან ჯვარი რამდენჯერმე აქვს დაწერილი; 1990 წელს მათ ჯვარი ქართულ ეროვნულ სამოსში მცხეთაში, სვეტიცხოვლის ტაძარში დაიწერეს?
- ... ცენტრალურ და სამხრეთ ამერიკაში გავრცელებული გომბეშო აგა 25 სანტიმეტრამდე იზრდება?
- ... „სუხიშვილების“ სახელით ცნობილი ანსამბლი „ქართული ეროვნული ბალეტი“ დღემდე მსოფლიოს ერთადერთი ფოლკლორული დასია, რომელმაც ლა სკალას სცენაზე წარმოდგენა გამართა?
- ... საქართველოს სისხლის სამართლის კოდექსში, სადაც მოქმედი კანონმდებლობით დასჯადი ქმედებებია მოცემული, სიტყვა „აკრძალულია“ მხოლოდ სამჯერაა გამოყენებული?
- ... პირველი ქართული ნაბეჭდი წიგნი, ქართულ-იტალიური ლექსიკონი 1629 წელს ქალაქ რომში გამოიცა და მასში პირველადაა მოცემული ანბანურ რიგზე დალაგებული ქართული სიტყვების ჩამონათვალი?
- ... ბითლზის სიმღერა Yesterday შეტანილია გინესის მსოფლიო რეკორდების წიგნში, როგორც ყველაზე ბევრჯერ შესრულებული სიმღერა?
- ... აზერბაიჯანის დემოკრატიული რესპუბლიკის პარლამენტის 120 წევრიდან 21 ეთნიკურად სომეხი იყო?
