პირინი
| პირინი | |
|---|---|
 პირინი | |
| კოორდინატები: 41°45′49″ ჩ. გ. 23°23′58″ ა. გ. / 41.76361° ჩ. გ. 23.39944° ა. გ. | |
| ქვეყანა |  ბულგარეთი საბერძნეთი
|
| უმაღლესი წერტილი | ვიხრენი |
| სიმაღლე | 2914 მ |
| სიგრძე | 80 კმ |
| სიგანე | 40 კმ |
  | |
პირინი, პირინ-პლანინა (ბულგ. Пирин) — მთის მასივი ბულგარეთის სამხრეთ-დასავლეთ ნაწილში. სამხრეთი შტოქედები საბერძნეთის ტერიტორიაზეა. გადაჭიმულია ჩრდილო-დასავლეთიდან სამხრეთ-აღმოსავლეთისაკენ სტრუმისა და მესტის ხეობებს შორის დაახლოებით 80 კმ სიგრძეზე. სიმაღლე 2914 მ-მდე (მთა ვიხრენი). აგებულია მეტწილად გრანიტებით, კრისტალური ფიქლებითა და მარმარილოთი. თხემურ ზონაში რელიეფის ალპური ფორმებია. წყალგამყოფი სივრცეები გაპენეპლენებულია; ფერდობები ციცაბოა, ღრმად არის დანაწევრებული მდინარეთა ხეობებით, მთისძირშია მრავალრიცხოვანი თერმული წყაროები. ატმოსფერული ნალექების რაოდენობა 600-1000 მმ წელიწადში. ხეობებში არის ტბები. 2000 მ-მდე მთის ტყეებია, უფრო მაღლა — ფიჭვნარი და მთის მდელოა. ხე-ტყის დამუშავება. განვითარებულია მეცხოველეობა. ტურიზმი. პირინის მთების გარკვეული ნაწილი უკავია პირინის ეროვნულ პარკს.
რესურსები ინტერნეტში[რედაქტირება | წყაროს რედაქტირება]
- პირინი — სტატია დიდი საბჭოთა ენციკლოპედიიდან (რუსული)