პეტენის დეპარტამენტი

პეტენი
Petén

გერბი	დროშა
ქვეყანა	გვატემალა
სტატუსი	დეპარტამენტი
მოიცავს	12 მუნიციპალიტეტს
ადმინ. ცენტრი	ფლორესი
მოსახლეობა (2002)	366 735 კაცი
სიმჭიდროვე	10,8 კაცი/კმ²
ფართობი	35 854 კმ²
სიმაღლე ზღვის დონიდან  - საშუალო სიმაღლე	174 მ
დროის სარტყელი	-6
	Petén Department

პეტენი — დეპარტამენტი გვატემალაში. დედაქალაქია ფლორესი. გეოგრაფიულად, წარმოადგენს გვატემალის ყველაზე ჩრდილოეთით მდებარე დეპარტამენტს, ამავე დროს უდიდესს. მისი ფართობი 33 600 კმ²-ია, რაც გვატემალის მთლიანი ტერიტორიის მესამედს შეადგენს. 2005 წლის მონაცემებით, მოსახლეობა 450 000 ადამიანს ითვლის.

გეოგრაფია

საბორნე გადაზიდვა მდინარე პასიონზე, ქალაქ საიაკსჩესთან

ტიკალის ცენტრალური აკროპოლისი

დეპარტამენტს აღმოსავლეთით ბელიზი ესაზღვრება, დასავლეთით და ჩრდილოეთით — მექსიკა, სამხრეთით კი გვატემალის ალტა-ვერაპასისა და ისაბალის დეპარტამენტები. მექსიკასთან დასავლეთი საზღვარი ძირითადად მიუყვება მდინარე უსუმასინტასა და მის შენაკად სალინასს მიუყვება.

ისტორია

პეტენის დეპარტამენტი გვატემალის მთავრობის 1866 წლის 8 მაისის დადგენილების საფუძველზე შეიქმნა.

1960-იანი წლებიდან, გვატემალის მთავრობა, ნებისმიერ მოქალაქეს სთავაზობდა სამოსახლო მიწებს პეტენში და ჰონორარად $25-ს უხდიდა. ფლორესსა და ტიკალში მცირე აეროპორტების აშენების შემდეგ განვითარება იწყო ტურიზმმა. 1970-იანი წლებიდან ტიკალიდან გზა გაიხსნა ბელიზის მიმართულებით. პირველი მოასფალტებული გზა დეპარტამენტში 1982 წელს დაიგო.

1990-იანი წლებიდან პეტენში მრავალი ახალმოსახლე შევიდა, რამაც სამხრეთ ნაწილში დეფორესტაცია გამოიწვია.

მუნიციპალიტეტები

პეტენის დეპარტამენტი 12 მუნიციპალიტეტისგან შედგება:

1. დოლორესი
2. ფლორესი
3. ლა-ლიბერტადი
4. მელჩორ-დე-მენკოსი
5. პოპტუნი
6. სან-ანდრესი
7. სან-ბენიტო
8. სან-ფრანსისკო
9. სან-ხოსე
10. სან-ლუისი
11. სანტა-ანა
12. საიაკსჩე

იხილეთ აგრეთვე

• გვატემალის დეპარტამენტები

რესურსები ინტერნეტში

• Interactive department map
• Map of Petén department from Prensa Libre
• Untold Stories, Pulitzer Center on Crisis Reporting
• Future of Peten