პენტი ესკოლა

პენტი ესკოლა
ფინ. Pentti Eelis Eskola
დაბ. თარიღი	8 იანვარი, 1883(1883-01-08)
დაბ. ადგილი	ჰონკილაჰტი
გარდ. თარიღი	6 დეკემბერი, 1964(1964-12-06) (81 წლის)
გარდ. ადგილი	ჰელსინკი
მოქალაქეობა	რუსეთის იმპერია  რუსეთის რესპუბლიკა ფინეთი
საქმიანობა	გეოლოგი და უნივერსიტეტის პროფესორი
მუშაობის ადგილი	ჰელსინკის უნივერსიტეტი
ალმა-მატერი	Imperial Alexander University
მეუღლე	Helena Syrjälä-Eskola
ჯილდოები	პენროუზის მედალი , ლეოპოლდ ფონ ბუხის მედალი, ვეტლესენის პრემია, უოლასტონის მედალი და Q117353804?

პენტი ეელის ესკოლა (ფინ. Pentti Eelis Eskola; დ. 8 იანვარი, 1883 — გ. 6 დეკემბერი, 1964) — ფინელი პეტროგრაფი. ფინეთის აკადემიის წევრი (1921). 1906 წელს დაამთავრა ჰელსინკის უნივერსიტეტი. 1910 წლიდან ასწავლიდა იქვე (1924-1953 მინერალოგიისა და პეტროგრაფიის პროფესორი). 1928 წლიდან გეოლოგიის ინსტიტუტის დირექტორი. გეოლოგიური დაკვირვებები ჩაატარა სკანდინავიაში, ჩრდილოეთ ამერიკასა და იმიერბაიკალეთში. ესკოლამ ჩამოაყალიბა ცნება მინერალური ფაციესის შესახებ და გამოიყენა ქიმიური პრინციპები გეოლოგიური პრობლემების გადასაწყვეტად. მისი შრომები შეეხება მეტამორფულ დიფერენციაციას, ანატექსისს, გრანიტული მაგმის გენეზისს და სხვა საკითხებს. ესკოლას შრომების მიხედვით რადიკალურად შეიცვალა წარმოდგენა ქანების მეტამორფიზმზე. იყო მრავალი მეცნიერებათა აკადემიის წევრი.

თხზულებები

• The mineral facies of rocks, Christiania, 1920;
• On the principles of metamorphic differentiation, "Bull. de la Commission geologique de Finlande", 1932, № 97;
• The Precambrian of Finland, в кн.: Precambrian, v. 1, N. Y. — L. — Sidney, 1963.

რესურსები ინტერნეტში

• პენტი ესკოლა — სტატია დიდი რუსული ენციკლოპედიიდან (რუსული)
• პენტი ესკოლა დაარქივებული 2012-06-16 საიტზე Wayback Machine. (ინგლისური)

ლიტერატურა

• ქართული საბჭოთა ენციკლოპედია, ტ. 4, თბ., 1979. — გვ. 217.