პელოპონესის კავშირი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

პელოპონესის კავშირიპელოპონესის ძველ ბერძნულ ქალაქ-სახელმწიფოთა გაერთიანება სპარტის მეთაურობით (დაახლ. ძვ. წ. 550 - ძვ. წ. 362 წწ.). პელოპონესის კავშირში არ შედიოდა მხოლოდ არგოსი და ნაწილობრივ აქაია. კავშირის კრებას იწვევდა სპარტა; განიხილებოდა და ხმის უმრავლესობით წყდებოდა ომისა და ზავის საკითხები. საჭიროების შემთხვევაში მოკავშირეებს გამოჰყავდათ გარკვეული რაოდენობის სამხედრო ძალა. პელოპონესის ომში ათენის განადგურების შემდეგ პელოპონესის კავშირი საყოველთაო ბერძნული ორგანიზაცია გახდა. ძვ. წ. 362 წელს თებელთა ლაშქარმა ეპამინონდას სარდლობით მანტინეასთან გაანადგურა სპარტელთა ჯარი. ამას მოჰყვა პელოპონესის კავშირის დაშლა. ცდა, ძვ. წ. IV საუკუნის 30-იან წლებში კვლავ აღედგინათ პელოპონესის კავშირი, უშედეგოდ დამთავრდა.

ლიტერატურა[რედაქტირება]