ოყარი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ოყარი
Little Egret (Egretta garzetta)- In Breeding plumage-actively catching prey in Kolkata I IMG 7990.jpg
მეცნიერული კლასიფიკაცია
სამეფო: ცხოველები
ლათინური სახელი
Egretta

ოყარი (Egretta) — დიდი ზომის ფრინველთა გვარი ყანჩისებრთა ოჯახისა. აერთიანებს 3 სახეობას: დიდი ოყარი (Egretta alba), საშუალო ოყარი (Egretta intermedia) და პატარა ოყარი (Egretta garzetta). ბუდობენ კოლონიებად. დებენ 3-4 (იშვიათად 5) კვერცხს. კრუხობს ორივე მშობელი 25-26 დღე-ღამე. ფართოდ არიან გავრცელებული ტროპიკულ და სუბტროპიკულ ზონებში. დიდი ოყარი საქართველოში გვხვდება როგორც მობუდარი ფრინველი. გვხვდება ჯავახეთში, კოლხეთის დაბლობსა და სამეგრელოში. საშუალო ოყარის შემოფრენა ყოფილ სსრკ-ის ტერიტორიაზე რეგისტრირებულია შორეულ აღმოსავლეთში. პატარა ოყარი ყოფილ სსრკ-ის ტერიტორიაზე კი გვხვდება ევროპულ ნაწილში, მტკვრის ქვედა წელში, სამხრეთ სომხეთში, შუა აზიაში. საქართველოში გვხვდება მიმოფრენისას. ოყარი შეტანილია „წითელ წიგნში“.

ლიტერატურა[რედაქტირება]

მოძიებულია „http://ka.wikipedia.org/w/index.php?title=ოყარი&oldid=2423503“-დან