ორმაგი დასჯის აკრძალვა

ორმაგი დასჯის აკრძალვა (ლათ. Ne bis in idem) თანამედროვე სისხლის სამართლის ერთ-ერთი ფუნდამენტური პრინციპია. აღნიშნული პრინციპის მიხედვით აკრძალულია ერთიდაიმავე დანაშაულისათვის ერთიდაიმავე პირის ორჯერ გასამართლება და დასჯა. იგი აღიარებულია სამოქალაქო და პოლიტიკურ უფლებათა საერთაშორისო პაქტითა და სხვა მნიშვნელოვანი საერთაშორისო დოკუმენტებით, თუმცა სხვადასხვა საერთაშორისო დოკუმენტებში განსხვავდება ამ პრინციპის მოცულობა.