ოპერაცია მარკეტ-გარდენი

ოპერაცია მარკეტ-გარდენი (ინგლ.: Operation Market-Garden) იყო კოდური სახელწოდება მეორე მსოფლიო ომის დროს დასავლელი მოკავშირეების მიერ წარუმატებლად ჩატარებული სამხედრო ოპერაციისა. ოპერაცია მიმდინარეობდა 1944 წლის 17-დან 27 სექტემბრამდე ნიდერლანდების პროვინციებში ჩრდილოეთ ბრაბანტი და ხელდერლანდი. ოპერაცია მიზნად ისახავდა "ვერმახტის" ე.წ. ზიგფრიდის ხაზის შემოვლას და ამერიკული და ბრიტანული შენაერთების სწრაფ შეჭრას გერმანიის ტერიტორიაზე.