ოვსადი

ოვსადი (Saxicola), ფრინველთა გვარი ბეღურასნაირთა რიგისა. პატარ-პატარა ფრინველებია (სხეულის სიგრძე 12,5-20 სმ, მასა 13-16 გ). გვარი აერთიანებს ყოფილ სსრკ-ში მობუდარ 4 სახეობას. საქართველოში გვხვდება ორი; მინდვრის ოვსადი (Saxicola ruberta) და შავთავა ოვსადი (Saxicola torquata), რომლებიც მოფრინავენ მარტ-აპრილში, ხოლო მიფრინავენ სექტემბერში. ბუდობენ მიწაზე, ბუდეს იკეთებენ ქვებში, ბუჩქებში, ნიადაგის კოლბოხებში. დებენ 3-7 კვერცხს, კრუხობა გრძელდება 13 დღე-ღამე.

ლიტერატურა

• ჟორდანია რ., ქსე, ტ. 7, გვ. 503, თბ., 1984