ოდაღაჯი

ოდაღაჯი, გუაიაკის (ბაკაუტის) ხე (Guaiacum), მარადმწვანე ხეების გვარი ორყურასებრთა ოჯახისა. მისი 6 სახეობა იზრდება ტროპიკულ ამერიკაში. მაღალი ხეებია, აქვთ მაგარი და მძიმე მერქანი, რომელსაც იყენებენ მანქანათმშენებლობაში. განსაკუთრებული ტექნიკური მნიშვნელობა აქვს Guaiacum officinale-ს (მისგან იღებენ გუაიაკის ფისსაც) და Guaiacum sanctum-ის მერქანს. ფისი და სხვა ნივთიერებანი გამოიყენება მედიცინაში.

ლიტერატურა

• ქსე, ტ. 7, გვ. 499, თბ., 1984