ნუკრი რევიშვილი

ნუკრი რევიშვილი

გორის „დილაში“
პირადი მონაცემები
სრული სახელი	ნუკრი რევიშვილი
დაბადების თარიღი	2 მარტი, 1987 (1987-03-02)
დაბადების ადგილი	ქუთაისი, საქართველოს სსრ
სიმაღლე	188 სმ
სათამაშო პოზიცია	მეკარე
პროფესიონალური კარიერა*
წლები	გუნდი	მატჩი	(გოლი)
2004–2005	ტორპედო ქუთაისი	14	(0)
2006–2009	რუბინი ყაზანი	7	(0)
2010–2011	ანჟი მაჰაჩყალა	40	(0)
2012–2013	კრასნოდარი	15	(0)
2013–2014	დილა გორი	24	(0)
2014	ვალეტა	11	(0)
2014–2015	ტოსნო	21	(0)
2015–2016	მორდოვია სარანსკი	22	(0)
2016–2017	დინამო თბილისი	7	(0)
2017	დაჩია	0	(0)
2017	დინამო თბილისი	10	(0)
2018	რუსთავი	16	(1)
ეროვნული ნაკრები
2003	საქართველო 17 წლ.	1	(0)
2004–2005	საქართველო 19 წლ.	6	(0)
2006–2008	საქართველო 21 წლ.	7	(0)
2005–2016	საქართველო	33	(0)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

მაჰაჩყალის „ანჟიში“ 2011

ნუკრი რევიშვილი (დ. 2 მარტი, 1987, ქუთაისი) — ქართველი ვეტერანი ფეხბურთელი, თამაშობდა მეკარის პოზიციაზე.

კარიერა

საკლუბო

ნუკრი რევიშვილმა კარიერა ქუთაისის საფეხბურთო კლუბ „ტორპედოში“ დაიწყო. მისი პირველი მწვრთნელი იყო თემურ ნადირაძე. თავდაპირველად ნუკრი „ტორპედოს“ დუბლებში გამოდიოდა, მაგრამ 2005 წელს, 18 წლის ასაკში, „ტორპედოში“ იური კვერნაძის მოსვლის შემდეგ იგი გუნდის ნომერ პირველი მეკარე გახდა. ჯამში 14 მატჩი ჩაატარა მშობლიურ გუნდში. 2006 წელს ქართველი ფეხბურთელი ყაზანის „რუბინში“ გადავიდა, მაგრამ ძალიან მცირე სათამაშო პრაქტიკა ჰქონდა – სულ 7 მატჩი ჩაატარა 3 წლის მანძილზე. 2010 წელი ნუკრისთვის უთამაშებლობისგან თავის დაღწევის და ეროვნულ გუნდში დამკვიდრების წელი გახდა. „რუბინიდან“ მაჰაჩყალაში გადმოსულმა რევიშვილმა 30 ტურიდან 14-ში დაიცვა „ანჟის“ კარი. 2011 წლის მიწურულს ნუკრიმ „ანჟი“ დატოვა და მეტი სათამაშო პრაქტიკის მიზნით ისევ რუსულ საფეხბურთო კლუბ „კრასნოდარში“ ჩაირიცხა ,სადაც უკვე თამაშობდნენ ქართველები – ოთარ მარცვალაძე და ალექსანდრე ამისულაშვილი. კრასნოდარში 2013 წლამდე დარჩა, შემდეგ გორის დილაში გადავიდა, რომელთან ერთადაც უეფა-ს ევროპის ლიგის პლეი-ოფში გავიდა, სადაც ვენის „რაპიდთან“ დამარცხდა. 2014 წლის იანვრიდან თანაგუნდელ ირაკლი მაისურაძესთან ერთად მალტურ „ვალეტაში“ გადავიდა. მალტის ჩემპიონატისა და თასის მოგების შემდეგ რევიშვილი ახალშექმნილ რუსულ კლუბ „ტოსნოში“ გადავიდა, რომელიც 2013 წელს დაარსდა და 2014-15 წლების სეზონში უკვე რუსეთის მეორე დონის ჩემპიონატში აღზევდა. მასთან ერთად „ტოსნოში“ ქართველი მცველი გიორგი ნავალოვსკიც გადავიდა, კლუბში უკვე ირიცხებოდა ასევე ქართველი, რომელსაც რუსეთის მოქალაქეობაც აქვს - მიხეილ გორელიშვილი. 2015 წლის ზამთრის სატრანსფერო ფანჯრის გაღების შემდეგ ნუკრი სარანსკის „მორდოვიას“ შეუერთდა.

სანაკრებო

რევიშვილის სანაკრებო კარიერა ახალგაზრდულ ნაკრებებში თამაშით დაიწყო, 17 წლამდელთა ნაკრებში მან 1 ოფიციალური შეხვედრა ჩაატარა, 19 წლამდელთა ნაკრებში 6, ხოლო 21 წლამდელთა ნაკრებში 7 მატჩი. ეროვნულ ნაკრებში დებიუტი 2005 წლის 8 ოქტომბერს ჰქონდა ყაზახეთის წინააღმდეგ. იმ მატჩში ნუკრიმ მშრალად დაიცვა კარი .შემდეგ იყო დიდი ხნის უთამაშებლობის პერიოდი კლუბში და აქედან გამომდინარე სანაკრებო პაუზა, თუმცა მაჰაჩყალის „ანჟიში“ კარიერის აწყობის და ნაკრებიდან გიორგი ლომაიას წასვლის შემდეგ რევიშვილი ნაკრების ნომერი პირველი მეკარე გახდა. საქართველოს ეროვნულ ნაკრებში მწვრთნელად თემურ ქეცბაიას მოსვლის შემდეგ, ნუკრი რევიშვილი საქართველოს ნაკრების ნომერ პირველი მეკარე გახდა. ევროპის ლიგაზე „დილას“ სახელით წარმატებით ასპარეზობის შემდეგ ისევ დაიბრუნა ნაკრებში პირველობა, რომელიც დროებით თბილისის „დინამოს“ მეკარის გიორგი ლორიას ხელში იყო.

ტიტულები

• რუსეთის პრემიერ ლიგა ჩემპიონი (2): 2008, 2009
• მალტის პრემიერ ლიგა ჩემპიონი (1): 2013/2014
• რუსეთის თასის ფინალისტი (1): 2008/2009
• მალტის თასის გამარჯვებული (1): 2013/2014
• რუსეთის სუპერთასის ფინალისტი (1): 2009

რესურსები ინტერნეტში

• ნუკრი რევიშვილი დაარქივებული 2012-11-02 საიტზე Wayback Machine. – პროფილი ფიფა-ს საიტზე.
• პროფილი Transfermarkt-ზე (ინგლისური)
• პროფილი Soccerway-ზე (ინგლისური)