ნიბლია

ნიბლია, სკვინჩა (Fringilla coelebs), ფრინველი მთიულასებრთა ოჯახისა. საქართველოს ზოგ კუთხეში წიფლის ჩიტსაც ეძახიან ტანად პატარა (სხეულის სიგრძე 17 სმ აღწევს), მგალობელი ფრინველია. ბინადრობს ყველგან, უმთავრესად კი მთის ტყეებში. ზამთრობით დაბლობებში უფრო მეტია. აპრილში დებს 4 კვერცხს, კრუხობს მხოლოდ დედალი. იკვებება მცენარის თესლით (განსაკუთრებით სარეველებით), ნაყოფით და სხვა ნაწილებით, კენკავს მწერებსაც. საქართველოში ბინადრობს ქვესახეობა კავკასიური ნიბლია (Fringilla coelebs solomkoi).

ლიტერატურა

• კუტუბიძე მ., ქსე, ტ. 7, გვ. 408, თბ., 1984