ნიალისყურის ქედი
| ნიალისყურის ქედი | |
|---|---|
| კოორდინატები: 41°07′22″ ჩ. გ. 43°28′26″ ა. გ. / 41.123028° ჩ. გ. 43.474139° ა. გ. | |
| ქვეყანა |  საქართველო თურქეთი სომხეთი
|
| ტერიტორიული ერთეული | სამცხე-ჯავახეთის მხარე არტაანის პროვინცია შირაკის პროვინცია |
| უმაღლესი წერტილი | უჩთაფალარი |
| სიმაღლე | 3011 მ |
  | |
 | |
ნიალისყურის ქედი, ჩრდილის ქედი, ჩილდირის ქედი – სუბგანედური ვულკანური ქედი საქართველოს (სამცხე-ჯავახეთის მხარის ახალქალაქის მუნიციპალიტეტში), თურქეთის (არტაანის პროვინციაში) და სომხეთის (შირაკის პროვინციაში) სახელმწიფო საზღვარზე. მდებარეობს ჯავახეთის ზეგნის სამხრეთ ნაწილში. უმაღლესი ადგილია მწვერვალი უჩთაფალარი (3011 მ). აგებულია მიო-პლიოცენური ანდეზიტური ქანებით. აქვს განიერი თხემი და სუსტად დანაწევრებული დამრეცი კალთები. ნიალისყურის ქედის ქვემო კალთები შემოსილია მთის შავმიწისებრ ნიადაგებზე განვითარებული მდელოებით, შუა — მთის მდელოს ნიადაგებიანი სუბალპური მდელოებით, ზემო კალთები და თხემი — მდელოს ტორფიან-კორდიან ნიადაგებზე განვითარებული ალპური ბალახეულობით.
იხილეთ აგრეთვე[რედაქტირება | წყაროს რედაქტირება]
ლიტერატურა[რედაქტირება | წყაროს რედაქტირება]
- ჯაყელი ქ., ქართული საბჭოთა ენციკლოპედია, ტ. 7, თბ., 1984. — გვ. 406.