ნემსიწვერა

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ნემსიწვერა
მეცნიერული კლასიფიკაცია
სამეფო: მცენარეები
განყოფილება: ფარულთესლოვნები
კლასი: ორლებნიანნი
რიგი: Geraniales
ოჯახი: ნემსიწვერასებრნი
გვარი: ნემსიწვერა
ლათინური სახელი
Geranium

Wikispecies-logo.svg
სისტემატიკა
ვიკისახეობებში

Commons-logo.svg
სურათები
ვიკისაწყობში


ნემსიწვერა (Geranium), მცენარეთა გვარი ნემსიწვერასებრთა ოჯახისა. მრავალწლოვანი, იშვიათად ერთწლოვანი ბალახებია. ცნობილია 400-მდე სახეობა, რომელიც გავრცელებულია ყველგან, ძირითადად კი ჩრდილოეთ ნახევარსფეროს ზომიერ ზონაში. საქართველოში 27 სახეობაა, მათგან 3 კავკასიის ენდემია; სახეობათა უმრავლესობა იზრდება ტყისა და სუბალპურ სარტყელში; Geranium silvaticum ფიჭვნარებსა და ნათელ ტყეებში, Geranium gymnocaulon ქმნის მაღალმთის ფორმაციას, Geranium renardii სუბალპურ მდელოთა ერთ-ერთი ედიფიკატორია. მცირე ნაწილი გვხვდება ველებისა და ნახევრად უდაბნოების სარტყელშიც (Geranium dissectum, Geranium molle). ნემსიწვერას ზოგიერთ დეკორატიულ სახეობას ამრავლებენ.

  • ნემსიწვერას სახელწოდებით ცნობილია ამავე ოჯახის პელარგონიუმის (Pelargonium) გვარის სახეობები.

ლიტერატურა[რედაქტირება]

  • ივანიშვილი მ., ქსე, ტ. 7, გვ. 377, თბ., 1984