ნასების ბრძოლა (1645 წლის 14 ივნისი) — მნიშვნელოვანი ბრძოლა ინგლისის სამოქალაქო ომში. «კავალერების» ჯარი შეადგენდა 8,000 ჯარისკაცს, ხოლო მრგვალთავიანების ჯარში თითქმის ორჯერ უფრო მეტი ადამიანი შედიოდა. ჩარლზ I ხედავდა რომ უპირატესობა მრგვალთავიანების მხარეს იყო, თუმცა პრინც რუპერტი მოითხოვდა ბრძოლის დაწყებას და ამტკიცებდა რომ მათი ჯარის შეიარაღება ბევრად სჯობდა მოწინააღმდეგეთა აღჭურვილობას. საბოლოოდ ამ ბრძოლაში მრგვალთავიანებმა გაიმარჯვეს.