მორალიტე

მორალიტე (ლათ. moralis - ზნეობრივი), XV-XVI სს. ევროპის ქვეყნებში ზნეობრივ-დამრიგებლური ხასიათის ალეგორიული დრამატული ნაწარმოები. პერსონაჟები სიმბოლურად განასახიერებენ სხვადასხვა ადამიანურ ღირსებასა თუ ნაკლოვანებას. რელიგიური ხასიათის მოუხედავად მორალიტეში წარმოდგენილი სიტუაციები უახლოვდება რეალურ სინამდვილეს. მორალიტეს ალეგორიული პერსონაჟები პირველწყაროდ იქცა შემდგომი დროის დრამატურგიისათვის და ტიპიზაციის პრინციპებისთვის.