მონბლანის მასივი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
მასივის ცენტრალური ნაწილი

მონბლანის მასივი (ოქსი. Massís del Mont Blanc; იტალ. Massiccio del Monte Bianco; ფრანგ. Massif du Mont-Blanc) — მთის მასივი დასავლეთ ალპებში. ვრცელდება საფრანგეთში, იტალიასა და შვეიცარიაში. სახელწოდება წარმოსდგება მწვერვალ მონბლანისაგან, რომლითაც დაგვირგვინებულია საკუთრივ მასივი. აღსანიშნავია მთები: გრანდ-ჟორასი (4208 მ), ეგიუი-ვერტი (4122 მ) და სხვ.

მონბლანის მასივი განიხილება პენინის ალპების ან გრაის ალპების ნაწილად. მაქსიმალური სიმაღლე 4808 მ (მონბლანი). პენინის ალპებისაგან გამოყოფილია კოლ-ფერეტის უღელტეხილით, გრაის ალპებისაგან მცირე სენ-ბერნარის უღელტეხილით, ხოლო საფრანგეთის პრეალპებისაგან მდინარე არვის ხეობით. მასივის ის ნაწილი, რომელიც საფრანგეთისკენაა მიბჯენილი დრენირებულია მდინარეების არვისა და იზერის ხეობებით, ხოლო მასივის იტალიური მხარე მდინარე დორა-ბალტეის ხეობით. შვეიცარიის მონაკვეთი დასერილია მდინარე რონის მარცხენა შენაკადებით. მონბლანის მასივი ჰერცინული კრისტალური ფუნდამენტის შვერილია.

გეოლოგიურ აგებულებაში ჭარბობს გრანიტი. ჩრდილოეთ-დასავლეთ ნაწილში გაბატონებულია ფიქლები, ამფიბოლიტები და მარმარილო.

იხილეთ აგრეთვე[რედაქტირება]

ლიტერატურა[რედაქტირება]

  • Hartmut Eberlein: Alpenvereinsführer Mont-Blanc-Gruppe. 7 Auflage. Bergverlag Rudolf Rother, München 1991, ISBN 3-7633-2412-7.