მიწისვარსკვლავა

მიწისვარსკვლავა (Astraeus hygrometricus), გუდაფშუკოვანთა ჯგუფის სოკო. ნაყოფსხეული ჯერ ბურთისებრია და დაფარულია 2 გარსით. ნაყოფსხეულის მომწიფებისას გარეთა გარსი სკდება. 7-20 წვეტიან სამკუთხრა ნაწილად, რომელიც მშრალ ამინდში ეხვევა შიგნითა ბურთისებრ გარსს. ნესტიან ამინდში კი გართხმულია მიწაზე ვარსკვლავისებურად. იზრდება ტყეებსა და ტყის პირებზე, ზაფხულში და შემოდგომით. საჭმელად უვარგისია.

ლიტერატურა

• ნახუცრიშვილი ი., ქსე, ტ. 7, გვ. 38, თბ., 1984