მინი დრაივერი
| მინი დრაივერი Minnie Driver |
|
 მინი დრაივერი 2010 წელს ტორონტოს საერთაშორისო კინოფესტივალზე |
|
| დაბადების სახელი | ამელია ფიონა დრაივერი |
| დაბადების ადგილი | ლონდონი, დიდი ბრიტანეთი |
| დაიბადა | 31 იანვარი, 1970 |
| საქმიანობა | მსახიობი, მომღერალი |
| შემოქმედების წლები | 1990-დღემდე |
| ოფიციალური ვებგვერდი | მინი დრაივერი |
მინი დრაივერი (ინგლ. Minnie Driver; დ. 31 იანვარი 1970, ლონდონი, დიდი ბრიტანეთი) — ბრიტანელი მსახიობი და მომღერალი. 1997 წელს ნომინირებული იყო ოსკარის პრემიაზე ქალის საუკეთესო მეორეხარისხოვანი როლის შესრულებისთვის ფილმში „ნიჭიერი უილ ჰანტინგი“. აგრეთვე ემისა და ოქროს გლობუსის პრემიების ნომინანტი შესრულებული როლისთვის ტელესერიალში „მდიდრები“.
სექციების სია |
ბიოგრაფია[რედაქტირება]
ამელია ფიონა დრაივერი[1] დაიბადა ლონდონში, ბიზმესმენისა და საფინანსო კონსულტანტის რონი დრაივერისა და მისი მეუღლის ყოფილი მოდელისა და დიზაინერის — გეინორის ოჯახში.[2][3][4] დრაივერს გააჩნია ირლანდიური, ვალიური, შოტლანდიური, ფრანგული და იტალიური ფესვები.[2][5] სკოლის დამთავრების შემდეგ დრაივერი სწავლობდა ლონდონის დრამატულ აკადემიურ თეატრში. თავდაპირველად როლებს მხოლოდ სერიალებში ღებულობდა.
მისი კინოკარიერა ათვლას 1990 წლებიდან იწყებს. პირველი აღიარება მოიპოვა მას შემდეგ, რაც შეასრულა მთავარი როლი ფილმში „მეგობართა წრე”. 1997 წელს ითამაშა ცნობილ კინოფილმში „ნიჭიერი უილ ჰანტინგი”, სადაც განასახიერა მსუბუქი და უბრალო ახალგაზრდა გოგანას სახე. ამ როლისთვის მინი დრაივერი ნომინირებული იყო ოსკარის პრემიაზე. 1990-იანი წლების დასასრულს იგი კინოში მნიშვნელოვან როლებს იღებს. აღსანიშნავია: „მძინარენი“, „თავსხმა წვიმა“, „იდეალური ქმარი“ და სხვ. 2003-2004 წლებში ღებულობდა სატელევიზიო კომიკურ როლებს. გახმოვანებული აქვს მულტიპლიკაციური პერსონაჟები. 2007 წელს მინი დრაივერი ბრუნდება სატელევიზიო შოუში.
მინი დრაივერი, მანამ აღიარებული მსახიობი გახდებოდა, იყო მუსიკალური ჯგუფის „Puff, Rocks and Brown“ წევრი. გარკვეული ხნით იგი მუსიკას ჩამოშორდა, თუმცა 2000 წლისათვის იგი ისევ ბრუნდება ამ სფეროში. 2004 წელს მოაწერა ხელი EMI-სთან და სხვ. ლეიბლებთან. გამოუშვა სინგლი „Everything I’ve Got in My Pocket“, „Invisible Girl“. ჩაწერილი აქვს ალბომები: 2004 წელს — Everything I’ve Got in My Pocket, 2007 წელს — Seastories.
სამსახიობო ამპლუა: დრამა, კომედია, ტოკ-შოუ.
ფილმოგრაფია[რედაქტირება]
| წელი | ფილმი | როლი | შენიშვნა |
|---|---|---|---|
| 1990 | ღმერთი კლდეებზე | ლიდია | სატელევიზიო ფილმი |
| 1992 | ადამიანი ზებრა | ემილი | მოკლემეტრაჟიანი ფილმი |
| 1995 | მეგობართა წრე | ბენი | |
| ოქროს თვალი | ირინა | ||
| სასტიკი მატარებელი | ფლორა | სატელევიზიო ფილმი | |
| პოლიტიკოსი მეუღლე | ჯენიფერი | სატელევიზიო ფილმი | |
| 1996 | დიდი ღამე | ფილისი | |
| მძინარენი | კეროლი | ||
| 1997 | მკვლელობა გროს–პოინტში | დები | |
| ჭკვიანი უილ ჰანტინგი | სკაილერი | ||
| 1998 | თავსხმა წვიმა | კარენი | |
| გუვერნანტი | როსინა | ||
| დიდი ფერმა | კენდელი | ||
| 1999 | იდეალური ქმარი | მეიბლი | |
| ტარზანი | ჯეინი | ||
| სამხრეთის პარკი: დიდი, გრძელი და დაუჭრელი | ბრუკ შილდსი | ||
| მეფის ასული მონონოკე | ლედი ებოსი | ხმა: ინგლისური ვერსია | |
| 2000 | დამიბრუნდი | გრეისი | |
| ლამაზი | მონა | ||
| ნელი ჩაწერა | ტრინა | ||
| განახლება | კონსტანსი | მოკლემეტრაჟიანი ფილმი | |
| 2001 | D.C. პატარები | ოფიციანტი | მოკლემეტრაჟიანი ფილმი |
| მაღალი ქუსლები და დაბალი ცხოვრება | შენონი | ||
| 2003 | შეპყრობილი | ბელინდა | |
| იმედის ნაპერწკლები | ვერა | ||
| 2004 | მოჯადოებული ელა | მენდი | |
| ოპერის მოჩვენება | კარლოტა | ||
| პორტრეტი | დონა | მოკლემეტრაჟიანი ფილმი | |
| 2007 | მულტიპლიკაციური ეფექტი | კიტი | |
| გზების გადაკვეთა | ანა | ||
| სიმპსონების ფილმი | კონსულტანტი | ||
| 2009 | დედობა | შეილა | |
| 2010 | დაჯერება | ებრა | |
| ბარნის ვერსია | |||
| 2011 | თხები | ჯოანა | |
| საუკეთესო | ვივიენი |
ნომინაცია[რედაქტირება]
- 1998 წელს – პრემია ოსკარი (საუკეთესო მეორეხარისხოვანი როლი (ქალი);
- 2007 წელს – ემი, საუკეთესო ქალის როლის შესრულებისთვის სერიალში „მდიდრები“.
რესურსები ინტერნეტში[რედაქტირება]
- მინი დრაივერი — კინოფილმების ინტერნეტ მონაცემთა ბაზაში (ინგლისური)
- 2004 წლის ინტერვიუ (ინგლისური)
- მინი დრაივერი (ინგლისური)
სქოლიო[რედაქტირება]
- ↑ “Minnie Driver“, Celebrity Ethnicity – EthniCelebs.com. წაკითხვის თარიღი: 27 ივლისი, 2011.
- ↑ 2.0 2.1 Clare Hutchinson (20 August 2010). Hollywood star calls for Wales’ only lido to be opened. WalesOnline. წაკითხვის თარიღი: 7 November 2010.
- ↑ Minnie Driver Biography(1970?. Filmreference.com. წაკითხვის თარიღი: 2 March 2010.
- ↑ Winters, Laura. “FILM; When the Character Calls, Minnie Driver Listens“, New York Times, 2 August 1998. წაკითხვის თარიღი: 2 March 2010.
- ↑ Cranky Critic StarTalk: Minnie Driver. Crankycritic.com. წაკითხვის თარიღი: 2 March 2010.
