მიმი სმითი

მერი ელიზაბეტ ”მიმი” სმიტი (ქალწულობის გვარი - სტენლი) (24 აპრილი, 1906 - 6 დეკემბერი, 1991) ცნობილია როგორც სახელგანთქმული ბრიტანელი მუსიკოსისა და კომპოზიტორის, ლეგენდარული ”ბითლზის” დამაარსებლის ჯონ ლენონის დეიდა. დაიბადა ლივერპულში, ინგლისი. ის იყო სტენლების ოჯახში ხუთი დიდან ყველაზე უფროსი.

ჯონ ლენონმა მიმისა და მისი მეუღლის, ჯორჯ სმიტის სახლში თავისი ბავშვობის უდიდესი ნაწილი გაატარა. მას მიმი მთელი თავისი ხანმოკლე ცხოვრების მანძილზე არასდროს მიუტოვებია და რაც არ უნდა შორს ყოფილიყო მისგან, კვირა ისე არ გაივლიდა, რომ ერთხელ მაინც არ დაერეკა საყვარელი დეიდისათვის.

როდესაც ”ბითლზმა” დიდ წარმატებას მიაღწია, ჯონმა მიმის პულში, დორსეტი, ბუნგალო შეუძინა, სადაც ის სიცოცხლის ბოლომდე, ანუ 1991 წლამდე ცხოვრობდა.