მზეთუნახავი და მხე­ცი (1991 წლის ფილმი)

მზეთუნახავი და მხე­ცი
ჟანრი	ზღაპარი
ფილმის ტიპი	ნახატი
რეჟისორი	დონ ჰენი
პროდიუსერი	დონ ჰენი, ჰოვარდ ეშმენი
კომპოზიტორი	ალან მენკენი, ჰოვარდ ეშმენი
მონტაჟი	ჯონ კერნოჰენი
სტუდია	Walt Disney Pictures
დისტრიბუტორი	Walt Disney Pictures Walt Disney Studios Motion Pictures
პრემიერა	აშშ 22 ნოემბერი, 1991 საფრანგეთი 21 ოქტომბერი, 1992
ხანგრძლივობა	ორიგინალური ვერსია 84 წთ. ვრცელი ვერსია 90 წთ
ქვეყანა	აშშ
ენა	ინგლისური
ბიუჯეტი	25,000,000 $
შემოსავალი	377,350,553 $
შემდეგი:	მზეთუნახავი და მხე­ცი: მოჯადოებული შობა (1997)
IMDb პროფილი

მზეთუნახავი და მხე­ცი (ინგლ. Beauty and the Beast) — 1991 წლის ანიმაციური ფილმი, რომელიც გამოუშვა უოლტ დისნეის კომპანიამ. ეს არის კომპანიის რიგით 30-ე სრულმეტრაჟიანი ფილმი. იგი ეფუძნება ამავე სახელწოდების ცნობილ ფრანგულ ზღაპარს. „მზეთუნახავსა და მხე­ცს“ ასევე მოჰყვა გაგრძელება - „მზეთუნახავი და მხე­ცი: მოჯადოებული შობა“ (1997).

სიუჟეტი

პროლოგში მოთხრობილია, თუ როგორ შეიცვალეს იერი პრინცმა და მისმა მოახლეებმა. გადის წლები. გოგონა სახელად ბელი ცხოვრობს პატარა ქალაქში, სადაც მას და მის გამომგონებელ მამას ყველა უცნაურ ადამიანებად თვლის. მაგრამ ქალაქში არის კაცი სახელად გასტონი, რომელიც ოცნებობს მასზე დაქორწინებაზე.

ცნობილი სცენა ფილმიდან - მხეცისა და ბელის ცეკვა

სხვა ქალაქში მგზავრობისას ბელის მამა მორისი მოულოდნელად მოხვდება მოჯადოვებულ სასახლეში, სადაც მოლაპარაკე ნივთებია. მაგრამ მის სტუმრობას ხელს უშლის დიდი მხეცი, რომელიც მას საპყრობილეში აგდებს. გადის დრო და ბელი, მამის ძიებისას, თავად მიაგნებს სასახლეს. მხეცი თანახმაა, გაუშვას მორისი, მაგრამ მხოლოდ ბელის სანაცვლოდ. გოგონა რჩება მასთან. მხეცი მას ძალიან უხეშად ექცევა, მაგრამ ბელის ზრუნვით, იგი იცვლება და უყვარდება გოგონა.

მორისს სოფელში არავინ უჯერებს, მხოლოდ გასტონია დარწმუნებული, რომ მთელი ამ ისტორიიდან შეუძლია სარგებელი ჰპოვოს. მხეცი დროებით უშვებს ბელს შინ, მამის სანახავად. გოგონა მოულოდნელად ბრუნდება, როდესაც მორისს აკითხავენ საგიჟეთიდან. არავის სჯერავს, რომ მხეცი მართლაც არსებობს. მაშინ ბელი ყველას უჩვენებს სარკეს, სადაც მხეცი გამოჩნდება. გასტონი იყენებს ამ საბაბს და მთელ სოფელს ააჯანყებს, რათა სასახლე დაიპყრონ.

სასახლეში დიდი ბრძოლა იმართება, ნივთებსა და ადამიანებს შორის. გასტონი სასიკვდილოდ დაჭრის მხეცს, მაგრამ თავად გადმოვარდება მაღალი კოშკიდან. ბელი სასოწარკვეთაშია. მაგრამ მხეცი უეცრად იქცევა ლამაზ პრინცად. სასახლე ძველ იერს იბრუნებს, ნივთები კი ადამიანებად იქცევიან.

მუსიკა

ისევე, როგორც დისნეის კომპანიის ბევრ სხვა მულტფილმში, ამ ფილმშიც ბევრი სიმღერა ჟღერს, თუმცა აქ მათი რაოდენობა ფილმს პრაქტიკულად მიუზიკლად გარდაქმნის. ამან შემქმნელებს უბიძგა, ოფიციალური მიუზიკლი ბროდვეის სცენაზეც დაედგათ.

მთავარი სტატია : მზეთუნახავი და მხე­ცი (საუნდტრეკი) და მზეთუნახავი და მხე­ცი (მიუზიკლი).

რესურსები ინტერნეტში

• (ინგლისური) მზეთუნახავი და მხე­ცი — კინოფილმების ინტერნეტ მონაცემთა ბაზაში (IMDb).
• მზეთუნახავი და მხე­ცი — ანიმაციური ფილმების მონაცემთა დიდ ბაზაში