მელიის კუნძულები
 კუნძული უნალაშკა | |
| გეოგრაფია | |
|---|---|
| მდებარეობა | ბერინგის ზღვა |
| კოორდინატები | 53°47′ ჩ. გ. 166°35′ დ. გ. / 53.783° ჩ. გ. 166.583° დ. გ. |
| კუნძულთა რაოდენობა | 13 |
| მთავარი კუნძული | უნიმაკი |
| ფართობი | 9200 კმ² |
| უმაღლესი წერტილი | 2857 მ |
მელიის კუნძულები (ინგლ. Fox Islands) — კუნძულთა ჯგუფი ალეუტის არქიპელაგში. ეკუთვნის აშშ-ის ალასკის შტატს. მოქცეულია აღმოსავლეთით ისანოცკისა და დასავლეთით სამალგის სრუტეებს შორის. ფართობი 9200 კმ². აერთიანებს დიდ ვულკანურ კუნძულებს: უმნაკს, უნალაშკასა და უნიმაკს, პატარა კუნძულებსა და მრავალრიცხოვან კლდეებს. უმაღლესი წერტილია ვულკანი შიშალდინი, რომლის სიმაღლეა ზღვის დონიდან 2857 მ და განლაგებულია კუნძულ უნიმაკზე. აღსანიშნავია ვულკანები: მაკუშინი და ოკმოკი. კუნძულები მეჩხრად არის დასახლებული. სახელწოდება მიიღო იმ პერიოდში კუნძულებზე მობინადრე მელიების სიმრავლის გამო. განვითარებულია თევზის რეწვა.
რესურსები ინტერნეტში[რედაქტირება | წყაროს რედაქტირება]
- მელიის კუნძულები — სტატია დიდი საბჭოთა ენციკლოპედიიდან (რუსული)
- მელიის კუნძულები — სტატია ენციკლოპედია ბრიტანიკიდან (ინგლისური)