მახათასებრნი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
მახათასებრნი
მეცნიერული კლასიფიკაცია
სამეფო: ცხოველები
ტიპი: ქორდიანები
კლასი: სხივფარფლიანი თევზები
რიგი: მახათასნაირნი
ოჯახი: მახათასებრნი
ლათინური სახელი
Gasterosteidae

Wikispecies-logo.svg
სისტემატიკა
ვიკისახეობებში

Commons-logo.svg
სურათები
ვიკისაწყობში


მახათასებრნი (ლათ. Gasterosteidae) — თევზების ოჯახი მახათასნაირთა რიგისა. შეიცავს 5 გვარის 12 სახეობას. გავრცელებულია ევროპის, აზიის, ჩრდილოეთ ამერიკის და ჩრდილოეთ აფრიკის ზღვების მომლაშო და მტკნარ წყლებში.ყოფილ სსრკ-ში გვხვდება ზღვის ანუ გრძელფარფლი მახათა (Spinachia spinachia), მცირე მაზათა (Pungitius pungitius) და სამნემსა მახათა (Gasterosteus aculeatus), რომლებიც საქართველოშიც მოიპოვება შავი ზღვის სანაპიროებთან. იგი შედის რიონის, ხობის, ენგურის შესართავებში. გვხვდება აგრეთვე პალიასტომისა და სკურჩის ტბებში. მახათასებრთა სხეულის სიგრძე 3-20 სმ აღწევს. გამრავლების პერიოდში მამლები აგებენ ბუდეს, რომელშიც 2-3 დედალი დებს ათასამდე ქვითირს. იკვებებიან კიბოსნაირებით, მწერების მატლებით, ქვირითით და თევზის ლარვებით, რითაც გარკვეულ ზიანს აყენებენ თევზის მეურნეობას. მცირე სარეწაო მნიშვნელობა აქვთ. ზოგან სამნემსას დიდი რაოდენობით იჭერენ.

ლიტერატურა[რედაქტირება]