მარი აბრამიშვილი
| მარიამ აბრამიშვილი | |
| ფსევდონიმი: |
მარი აბრამიშვილი |
|---|---|
| დაბადების თარიღი: | |
| დაბადების ადგილი: | |
| გარდაცვალების თარიღი: | |
| გარდაცვალების ადგილი: | |
| ეროვნება: | |
| საქმიანობა: | |
| პერიოდი : | |
| თემატიკა: | |
| Magnum opus: |
აი, სად შემხვდი 1963 წ. |
| დებიუტი: | |
მარიამ (მარი) აბრამიშვილი (დ. 21 სექტემბერი, 1922, საჩხერე - გ. 1 ივნისი, 2008, თბილისი) — ქართველი პოეტი, სახელმწიფო პრემიის ლაურეატი.
[რედაქტირება] ბიოგრაფია
1940 წელს დაამთავრა თბილისის მე-18 (ახლანდელი 51-ე) საშუალო სკოლა, ხოლო 1944 წელს - თბილისის სახელმწიფო უნივერსიტეტის ფილოლოგიის ფაკულტეტი. 1945 წლის 27 მარტს რამდენიმე ახალგაზრდა პოეტთან ერთად ხელნაწერი ჟურნალის ("ანათემა") გამოცემის გამო დააპატიმრეს და გადაასახლეს. სასჯელს იხდიდა ვიატკის ბანაკებში. ის ერთადერთი ქალი იყო რეპრესირებულ მწერალთა შორის. გადასახლებიდან დაბრუნებულმა კვლავ განაგრძო ლიტერატურული საქმიანობა. 1951 წელს მისი ლექსი პირველად დაიბეჭდა ჟურნალ "მნათობში", ხოლო ლექსების პირველი კრებული 1957 წელს გამოვიდა. 1970 წელს მიიღეს მწერალთა კავშირის წევრად. გარდაიცვალა 2008 წელს.
[რედაქტირება] შემოქმედება
მარი აბრამიშვილს გამოცემული აქვს 20-მდე წიგნი:
- "ციცინათელა", 1957 წ.
- "აი, სად შემხვდი" 1963 წ.
- "ლირიკა", 1977 წ.
- "ძველი სიყვარული" 1982 წ.
- "მემახსოვრება თვით სიკვდილშიაც" 1992 წ.
- "ერთტომეული", 1999 წ.
- "მცირე რჩეული" 2003 წ.
- "სატრფიალო ლირიკა", 2004 წ.
- "განთიადის მოლოდინში" 2007 წ.
ასევე გამოცემული აქვს საბავშვო ლექსების კრებულები: "ნაცნობი მერცხალი" (1960 წ.), "ტრაბახა თაგვი" (1975 წ.), "ფერადი ფანქრები, (2006 წ.) მის შემოქმედებაში ძირითადად პატრიოტული და ლირიკული მოტივებია. მარი აბრამიშვილის ლექსები თარგმნილია რუსულ, ოსურ და თურქულ ენებზე. მან თარგმნა პუშკინის, ლერმონტოვის, ბლოკის, ესენინის, ბელა ახმადულინას, ევგენი ევტუშენკოს ლექსები.
[რედაქტირება] ჯილდოები
1992 წელს აბრამიშვილმა მიღებული აქვს მწერალთა კავშირის ყოველწლიური ლიტერატურული პრემია, 2000 წელს კი მიენიჭა სახელმწიფო პრემია. 2002 წელს დაჯილდოვდა ღირსების ორდენით. დაკრძალულია დიდუბის მწერალთა და საზოგადო მოღვაწეთა პანთეონში.
