მარიანჰამინა

მარიენჰამნის აღმოსავლეთი პორტი

მარიანჰამინა ან მარიენჰამნი (შვედ Mariehamn, ფინ Maarianhamina) — ფინეთის შემადგენლობაში შემავალი, ავტონომიური რეგიონის ალანდის კუნძულების უმთავრესი ქალაქი. არქიპელაგის ზღვის ერთ-ერთი უმთავრესი პორტი. ქალაქში ალანდის კუნძულების მინისტრთა კაბინეტი და პარლამენტია განლაგებული. მარიენჰამში ალანდის კუნძულების საერთო მოსახლეობის ნახევარია თავმოყრილი. მარიენჰემი, ისევე როგორც, კუნძულების 91% შვედურენოვანია.

მარიანჰამინი 1861 წელა იქნა დაარსებული. ქალაქი ნახევარკუნძულზეა გაშენებული და ორი პორტი აქვს — დასავლეთ და აღმოსავლეთ სანაპიროებზე. დასავლეთ პორტს საერთაშორისო მნიშვნელობა აქვს, რამდენადაც დღეში ორჯერ ჩერდებიან შვედეთიდან (და შვედისკენ) და კონტინენტური ფინეთიდან (და ფინეთისკენ) მოძრავი მსხვილი ბორნები.

ქალაქში გამოიცემა ალანდის კუნძულების ორივე გაზეთი (Ålandstidningen და Nya Åland), მუშაობს რამდენიმე რადიოსადგური და ადგილობრივი სატელევიზიო არხი (TV Åland).

ზაფხულობით მარიანჰამინს უამრავი ტურისტი სტუმრობს. ქალაქს რამდენიმე სასტუმრო, ბარი და რესტორანი აქვს.

მოსახლეობა

ქალაქის მოსახლეობის ზრდის დინამიკა:

წელი	მოსახლეობა
1987	9,966
1990	10,263
1997	10,408
2000	10,488
2002	10,632
2004	10,712