მარიამ არჯევნიშვილი

მარიამ (მარო) ალექსის ასული არჯევნიშვილი (დ. 13 სექტემბერი, 1918, სოფ. ენისელი, ახლანდელი ყვარლის რაიონი ― გ. 25 დეკემბერი, 1958, თბილისი) — ქართველი მომღერალი, ხალხური სიმღერების შემსრულებელი, ლოტბარი და ფანდურზე დაკვრის ვირტუოზი. საქართველოს სსრ ხელოვნების დამსახურებული მოღვაწე (1951). ხელმძღვანელობდა თვითმოქმედ გუნდებსა და ხალხურ საკრავთა ანსამბლებს.

დაკრძალულია ყვარელის მუნიციპალიტეტის გრემის მთავარანგელოზის ეკლესიის ეზოში.