მარაოლასებრნი (ლათ.Orneodidae) — მწერების ოჯახი ქერცლფრთიანების რიგისა. აქვთ მარაოსებრიფრთები, რომელთა შლილი 12-36 მმ აღწევს. მარაოლასებრთა მატლები აზიანებენ ხეებისა და ბალახოვანი მცენარეების ნორჩ ყლორტებს. ოჯახში 200-მდე სახეობაა. გავრცელებულია ყველგან, უფრო კი ტროპიკებში, ყოფილ სსრკ-ის ტყეებისა და ველების ზონებში გვხვდებოდა მარაოლასებრთა 1 გვარის (Orneodes) 15-მდე სახეობა, რომელთაგან Orneodes hexadactyla და Orneodes dodecadactyla ზოგჯერ ცხრატყავას აზიანებენ.
