მანჭკვალა

მანჭკვალა (Armillariella mellea) — ქუდიანი სოკო ტრიქოლომასებრთა ოჯახისა. ნაყოფსხეული შედგება ყვითელი ან მოყვითალო-ყავისფერი ქუდისა და ფეხისაგან. ქუდს ზედა მხარეს მურა ქერცლები აქვს, ქვედა მხარეს კი — მოთეთრო-მოყვითალო ფირფიტები. ფეხი საყელოიანია. იზრდება ჯგუფებად ცოცხალი ან გამხმარი ხეების ფესვებსა და ძირებზე შემოდგომით, იშვიათად ზაფხულში. საჭმელად იხმარება ნედლი, დამწნილებული და დამუჟუჟებული. პარაზიტია, აავადებს და ალპობს წიწვოვანი და ფოთლოვანი ხემცენარეებისა და ბუჩქების ფესვებს.

ბრძოლის ღონისძიებები

ბაღ-ვენახებში დაავადებული კერების ირგვლივ (10 მ რადიუსით) ნიადაგის დეზინფექცია 10%-იანი ფორმალინით (5 ლ ყოველ მ²-ზე).

ლიტერატურა

• ნახუცრიშვილი ი., ქართული საბჭოთა ენციკლოპედია, ტ. 6, გვ. 422, თბ., 1983 წელი.