მანუელ მაჩადო ი რუისი
ვიკიპედიიდან, თავისუფალი ქართულენოვანი ენციკლოპედიიდან
მანუელ მაჩადო ი რუისი (დ. 29 აგვისტო, 1874, სევილია, ესპანეთი; გ. 19 იანვარი, 1947, მადრიდი, ესპანეთი) — ესპანელი პოეტი, აკადემიკოსი 1938 წლიდან. ანტონიო მაჩადო ი რუისის ძმა. 1898-1901 წლებში პარიზში დაუახლოვდა ფრანგ პარნასელებსა და სიმბოლისტებს. თავისი შემოქმედებით ზომიერი მოდერნისტის სახელი დაიმკვიდრა. 1926-1933 წლებში მადრიდის თეატრებში იდგმებოდა ძმასთან ერთად დაწერილი პიესები: „ბედის უკუღმართობა ანუ ხუალინილო ვალკარსელი“, „ხუან დე მანიარა“ და სხვა.
