მალაქიტი

მალაქიტი
საერთო
კატეგორია	კარბონატების კლასის მინერალი
ქიმიური ფორმულა	CuCO3·Cu(ОН)2
იდენტიფიკაცია
ფერი	მწვანე, მოცისფრო, ზოგჯერ მურა
კრისტალის სინგონია	მონოკლინური
სიმაგრე მოოსის სკალით	3,5-4,0
სიმკვრივე	3900-4100 კგ/მ³

მალაქიტი (ფრანგ. malachite < ბერძნ. malachē – ბალბა (სახელი ეწოდა ფოთლის ფერთან მსგავსების გამო) — კარბონატების კლასის მინერალი; ქიმიური შედგენილობა CuCO₃·Cu(ОН)₂. კრისტალდება მონოკლინურ სინგონიაში. კრისტალები იშვიათია, ჩვეულებრივ გვხვდება ფარულ ან წვრილკრისტალურ რიტმულზოლიანი თირკმლისებრი ნაჟონი აგრეგატები.

მწვანე, მოცისფრო, ზოგჯერ მურა ფერისაა. სიმაგრე მინერალოგიური სკალით 3,5-4,0; სიმკვრივე 3900-4100 კგ/მ³. წარმოიქმნება სპილენძის სულფიდური მადნების დაჟანგვის ზონაში.

მალაქიტის მნიშვნელოვანი საბადოებია რუსეთში, ყაზახეთში, აფრიკაში, დიდ ბრიტანეთში, საფრანგეთში, ჩილეში და სხვ.

მალაქიტი ძვირფასი სანახელავო ქვაა; იყენებენ სამკაულად (ძველად — ინტერიერების მოსაპირკეთებლად)

იხილეთ აგრეთვე

• მინერალების სია

ლიტერატურა

• ქართული საბჭოთა ენციკლოპედია, ტ. 6, გვ. 385, თბ., 1983 წელი.