ლუდივინ სანიე
| ლუდივინ სანიე Ludivine Sagnier |
|
 ლუდივინ სანიე კანის კინოფესტივალზე, 2010 წელი |
|
| დაბადების სახელი | ლუდივინ სანიე |
| დაბადების ადგილი | ლა სალ-სენ-კლოდი, იველინი, საფრანგეთი |
| დაიბადა | 3 ივლისი, 1979 |
| საქმიანობა | მსახიობი მოდელი |
| შემოქმედების წლები | 1989–დღემდე |
ლუდივინ სანიე (ფრანგ. Ludivine Sagnier; დ. 3 ივლისი, 1979, ლა სალ-სენ-კლოდი, იველინი, საფრანგეთი) — ფრანგი მსახიობი და მოდელი. სანიე ნომინირებული იყო სეზარის პრემიაზე მეორეხარისხოვანი როლის შესრულებისთვის ფილმებში: „აუზი“ და „საიდუმლო“.
სექციების სია |
[რედაქტირება] ბიოგრაფია
ლუდივინ სანიე დაიბადა 1979 წლის 3 ივლისს. დედამისი ექს მდივანია, ხოლო მამამისი პარიზის უნივერსიტეტის პროფესორი.[1] ლუდივინ სანიემ თეატრალურ კურსებზე გამოსვლები ჯერ კიდევ 6 წლის ასაკში დაიწყო. მისი კინოკარიერა ათვლას 1989 წლიდან იწყებს, როდესაც იგი გადაიღეს ფილმში „ქმრები, ცოლები, საყვარლები“. იმ მომენტისთვის ლუდივინ სანიე მხოლოდ 8 წლისა იყო.
ერთი წლის შემდეგ, სანიე ისევ იღებს როლს კინოში. ამჯერად მონაწილეობა მიიღო ფილმში „სირანო დე ბერჟერაკი“, სადაც მისი პარტნიორი გახდა ფრანგული კინოს ვარსკვლავი ჟერარ დეპარდიე. შემდეგ როლი მიიღო სერიალში. 1990-იან წლებში უმეტესწილად სერიალებში მონაწილეობდა. ამავე წლებში ეპიზოდური როლები მიიღო რამდენიმე კინოფილმში. 2000 წლის შემდეგ იგი რეგულარულად იღებს კინოში როლებს. 2000 წელს ითამაშა ფრანსუა ოზონის ფილმში „წვიმის წვეთები გაბზარულ კლდეებზე“. 2002 წელს გამოდის ცნობილი ფილმი „8 ქალბატონი“, 2003 წელს „აუზი“.
ერთ-ერთი ბოლო მნიშვნელოვანი როლი მიიღო ფილმში „ქვეყნის პირველი მტერი № 1: ლეგენდა“, სადაც მოთხრობილია ლეგენდარულ მძარცველსა და საზოგადოდ ცნობილ ჟაკ მერინზე.
სამსახიობო ამპლუა: დრამა, კომედია, მელოდრამა.
[რედაქტირება] პრემია
- 1999 — Acteurs à l'Écran — Prix Musidora — მოკლემეტრაჟიანი ფილმი „ანას გზა“ (Anna’s Trip)
- 2002 — კანის კინოფესტივალი — Chopard Trophy — ქალის აღმოჩენა
- 2002 — ბერლინის კინოფესტივალი — ვერცხლის დათვი — „8 ქალბატონი“
- 2002 — European Film Awards — „8 ქალბატონი“
- 2003 — ჩიკაგოს საერთაშორისო კინოფესტივალი (Chicago International Film Festival) — Silver Hugo — „პატარა ლილი“
[რედაქტირება] ნომინაცია
- ლუდივინ სანიე სხვადასხვა დროს ნომინირებული იყო სეზარის პრემიაზე,
- მისი კანდიდატურა წამოყენებული იყო ასევე ევროპის კინემატოგრაფიული ჯილდოს ნომინაციაზე.
[რედაქტირება] საინტერესო ფაქტები
- ლუდივინ სანიე სიმაღლეში 1.60 სმ-ია;
- აქტიურად ღებულობს მონაწილეობას ფოტოსესიებში;
- სორბონში დაამთავრა ფილოლოგიური ფაკულტეტი.
[რედაქტირება] ფილმოგრაფია
| წელი | ქართული სახელი | ორიგინალი | როლი |
|---|---|---|---|
| 1989 | ქმრები, ცოლები, საყვარლები | ||
| 1990 | სირანო დე ბერჟერაკი | ||
| 1999 | რემბრანდტი | ||
| 1999 | საუკუნის შვილები | ||
| 2000 | წვიმის წვეთები გაბზარულ კლდეებზე | ||
| 2002 | 8 ქალბატონი | ||
| 2003 | აუზი | ||
| 2003 | პატარა ლილი | ||
| 2003 | პიტერ პენი | ||
| 2005 | ავანტიურა | ||
| 2006 | მე შენ მიყვარხარ პარიზო | ||
| 2007 | სიმღერები სიყვარულზე | ||
| 2007 | მოლიერი | ||
| 2008 | ოჯახური საიდუმლო | ||
| 2008 | ქვეყნის პირველი მტერი № 1: ლეგენდა | ||
| 2010 | კრიმინალური სიყვარული | ||
| 2011 | ეშმაკის ორეული |
[რედაქტირება] რესურსები ინტერნეტში
- (ინგლისური) ლუდივინ სანიე — კინოფილმების ინტერნეტ მონაცემთა ბაზაში
- ლუდივინ სანიე (ინგლისური)
- ლუდივინ სანიე (ინგლისური)
- ლუდივინ სანიე - ოფიციალური ვებ-გვერდი (ინგლისური)
[რედაქტირება] სქოლიო
- ↑ Tang, Jean (6 July 2003). MORE THAN MEETS THE EYE. The Boston Globe.
