ლიტორალი

ლიტორალის ზონა

ლიტორალი (< ლათ. litoralis – ნაპირისა) — ზღვის ფსკერის ეკოლოგიური ზონა, რომელიც მიქცევისა და მოქცევის შედეგად დღე-ღამეში ორჯერ იფარება წყლით და შიშვლდება.

ფსკერის დახრისა და მიქცევ-მოქცევის ამპლიტუდის მიხედვით ლიტორალი შეიძლება რამდენიმე მეტრიდან მრავალ კილომეტრამდე სიგანისა იყოს. გრუნტის ხასიათის გათვალისწინებით განასხვავებენ ლამიან, ქვიშიან, ქვიან და კლდოვან ლიტორალებს.

ზოგი უცხოელი მკვლევარი ლიტორალს უწოდებს ზღვის ფსკერს 200 მ (მცენარეთა გავრცელების ზონა), ზოგი კი 40-50 მ (ტალღების მოქმედების ქვედა საზღვარი) სიღრმემდე.

იხილეთ აგრეთვე

• ლიტორალის ფაუნა
• ლიტორალის ფლორა
• ლიტორალური ნალექი

ლიტერატურა

• ქართული საბჭოთა ენციკლოპედია, ტ. 6, გვ. 265, თბ., 1983 წელი.

ეს არის სტატიის ან სექციის ესკიზი. თქვენ შეგიძლიათ შეავსოთ იგი.