ლიტვის სეიმი
ლიტვის რესპუბლიკის სეიმი (ლიტვ. Lietuvos Respublikos Seimas) — ლიტვის უმაღლესი საკანონმდებლო ორგანო.
სექციების სია |
[რედაქტირება] საერთო აღწერა
სეიმი შედგება ერთი პალატისაგან, რომლის შემადგენლობაშიც საყოველთაო, თანასწორუფლებიანი, ფარული კენჭისყრის საფუძველზე არჩეული 141 დეპუტატია, მათგან 71 დეპუტატს ირჩევენ ერთმანდატიანი ოლქებიდან მაჟორიტარული სისტემით, 70-ს კი — პროპორციული სიით 5 %-იანი ბარიერის გადალახვის შედეგად. ლიტვის კონსტიტუციის მეხუთე თავის მიხედვით სეიმის დეპუტატად აირჩევა ლიტვის მოქალაქე, რომელიც მუდმივად ცხოვრობს ლიტვაში.
სეიმი ყოველწლიურად იკრიბება ორჯერ — საგაზაფხულო და საშემოდგომო სესიებზე. საგაზაფხულო სესია იწყება 10 მარტს და გრძელდება 30 ივნისამდე. საშემოდგომო სესია კი იწყება 10 სექტემბერსს და მთავრდება 23 დეკემბერს. რიგგარეშე სესიის მოწვევა შეუძლია პარლამენტის თავჯდომარეს დეპუტატების საერთო რაოდენობის 1/3-ის მოთხოვნით ან პრეზიდენტს.
სეიმის სხდომას უძღვება სეიმის თავჯდომარე (2000-2006 წწ. არტურას პაულაუსკასი, 2006 წლიდან ვიქტორას მუნტიანასი) ან მისი მოადგილე. ახლადარჩეული პარლამენტის პირველ სხდომას ხსნის და უძღვება ასაკით ყველაზე უფროსი წევრი.
[რედაქტირება] უფლებამოსილებები
- განიხილავს და იღებს კონსტიტუციურ ცვლილებებს.
- გამოსცემს კანონებს.
- ნიშნავს ლიტვის პრეზიდენტის არჩევნების თარიღს.
- მოიწონებს ან არ მოიწონებს პრეზიდენტის მიერ წარმოდგენილი პრემიერ-მინისტრის კანდიდატურას.
- ნიშნავს საკონსტიტუციო სასამართლოს და უზენაესი სასამართლოს წევრებს და მათ ხელმძღვანელებს.
- ნიშნავს და ათავისუფლებს კონტროლის პალატის თავჯდომარეს.
- ნიშნავს ადგილობრივი თვითმმართველობის არჩევნებს.
- ქმნის ცენტარლურ საარჩევნო კომისიას.
- ამტკიცებს სახელმწიფო ბიუჯეტს და ახორციელებს კონტროლს მის შესრულებაზე.
- გამოსცემს ამნისტიის კანონს...
[რედაქტირება] ისტორია
1990 წლის 24 თებერვალს მოწვეულმა სეიმმა 1990 წლის 11 მარტს გამოაცხადა დამოუკიდებლობის აღდგენა, მას ლიტვის ისტორიაში ეწოდა "აღმდგენი სეიმი". დამოუკიდებლობის გამოცხადების შემდეგ პირველი საპარლამენტო არჩევნები გაიმართა 1992 წლის ოქტომბერ-ნოემბერში, მეორე სეიმი მოწვეულ იქნა 1996-2000 წლებში. ამჟამად მოქმედებს მეხუთე მოწვევის სეიმი, რომელიც აირჩიეს 2008 წელს და რომლის უფლებამოსილების ძალაც გრძელდება 2012 წლამდე.
[რედაქტირება] შენობა
ახლანდელი შენობა შედგება 4 ნაწილისაგან. პირველი შენობა ააშენეს 1976-1980 წწ. ალგიმანდას და ვიტაუტას ნასვიტისებმა, მასში განთავსებული იყო ლიტვის სსრ-ს უმაღლესი საბჭო. 2007 წელს საშემოდგომო სესია დაიწყო პლენალური სხდომის ახალ დარბაზში.
[რედაქტირება] რესურსები ინტერნეტში
- ლიტვის რესპუბლიკის კონსტიტუცია
- ლიტვის რესპუბლიკის სეიმი
- Išrinkti Lietuvos Respublikos Seimo nariais 2004—2008
- Virtuali ekskursija į parlamentą
 |
ეს სტატია ლიტვის და ლიტველების შესახებ ჯერჯერობით ესკიზია. თქვენ შეგიძლიათ დაგვეხმაროთ, და შეავსოთ იგი. |
|
||||||||||||||||||||||||||||||||||
