ლინცი დავენპორტი

ლინცი დავენპორტი
ქვეყანა	აშშ
საცხოვრებელი ადგილი	ლაგუნას სანაპირო, კალიფორნია, აშშ
დაბადების თარიღი	8 ივნისი, 1976
დაბადების ადგილი	პალო ვერდე, კალიფორნია, აშშ
სიმაღლე	1,89 მ
წონა	79 კგ
პროფესიონალი	22 თებერვალი,1993 წელი
თამაში	მარჯვენა ხელით, ორივე ხელით დარტყმა მარცხნიდან
ფულადი პრიზი კარიერაში	$22,144,735
ერთეულები
რეკორდები კარიერაში:	753–194 (79.5%)
ტიტულები კარიერაში:	55
უმაღლესი რეიტინგი:	1–ელი (1998,2001,2004,2005 წლებში)
დიდი მუზარადის შედეგები
ავსტრალიის ღია პირველობა	გამარჯვება (2000)
საფრანგეთის ღია პირველობა	ნფ (1998
უიმბლდონი	გამარჯვება (1999)
აშშ-ის ღია პირველობა	გამარჯვება (1998)
წყვილები
რეკორდები კარიერაში:	382–115
ტიტულები კარიერაში:	37 (1 ITF)
უმაღლესი რეიტინგი:	1–ელი (20 ოქტომბერი, 1997)

ლინცი დავენპორტი [ˈlɪndzɪ ˈdævənpɔːɹt] (დ. 8 ივნისი, 1976, პალო ვერდე, კალიფორნია, აშშ) არის ამერიკელი პროფესიონალი ჩოგბურთელი.

სპორტული კარიერა

დავენპორტმა 3 დიდი მუზარადის ტურნირი მოიგო:ამერიკის ღია პირველობა 1998 წელს,უიმბლდონი 1999,ავსტრალიის ღია პირველობა 2000.1996 წელს ატლანტაში მიმდინარე ზაფხულის ოლიმპიადაზე დავენპორტმა ოქროს მედალი მოიგო.ლინცი რამდენჯერმე იყო მსოფლიოს 1–ელი ჩოგანი ერთეულთა და წყვილთა თანრიგში.ტრავმის გამო მას პაუზის გაკეთება მოუწია.2004 წელს ის კვლავ 1–ელი ჩოგანი გახდა. დავენპორტმა მოიგო ასევე 3 დიდი მუზარადის ტურნირი წყვილთა შორის:როლან გაროსი(საფრანგეთის ღია პირველობა),1997 წელს ამერიკის ღია პირველობა,ხოლო 1999 წელს უიმბლდონი(ამავე წელს მან ერთელთა თანრიგშიც გაიმარჯვა ლონდონში). ლინცი დავენპორტი 1998,2001,2004,2005 წლების სეზონის ბოლოს რეიტინგში 1–ელი იყო. 2008 წლის 14 იანვარს ლინცი დავენპორტი გახდა მსოფლიოში 1–ელი ქალი სპორტსმენი,რომელმაც ყველაზე მეტი თანხა გამოიმუშავა თავის სპორტულ კარიერაში.თანხამ 21,897.501 ამერიკული დოლარი შეადგინა.ამით ამერიკელმა ჩოგბურთელმა გერმანელი შტეფი გრაფი მეორე ადგილზე გადაანაცვლა.

თამაშის სტილი

ლინცი დავენპორტის თამაში გამოირჩევა სიძლიერითა და ბრწყინვალე ჩაწოდებებით.1999 წელს ტოკიოში ჩატარებულ ტურნირზე,1/8 ფინალში თავის ჩაწოდებაზე არცერთი ქულა არ დაკარგა.სიმაღლის გამო(189 სმ) ლინცი კორტზე სწრაფად ვერ მოძრაობს და ბურთს ყოველთვის ოპტიმალურად ვერ უდგება. იგი მენტალურად ერთ–ერთ ყველაზე ძლიერ ჩოგბურთელად ითვლება.

პირადი ცხოვრება

2003 წელს ლინცი დავენპორტი ჯონ ლიჩზე,ბანკირზე დაქორწინდა,რაც თავის კარიერაზე დადებითად აისახა:2004 წელს დავენპორტმა 7 ტურნირი მოიგო,ხოლო 4 კვირის განმავლობაში ზედიზედ ოთხ ტურნირზე იმარჯვა.ამ გამარჯვებების გამო ის მიმდინარე წლის ამერიკის ღია პირველობაზე მთავარი ფავორიტი იყო,თუმცა როგორც ხშირად მის კარიერაში ხდებოდა,ლინციმ ტრავმა მიიღო,1/2 ფინალში მან სვეტლანა კუზნეცოვასთან წააგო თამაში,რომელიც საბოლოოდ ამერიკის ღია პირველობის გამარჯვებულიც გახდა.

2005 წლის სეზონი

2005 წლის სეზონი დავენპორტისათვის კარგად დაიწყო. სეზონის 1–ელ დიდი შლემის ტურნირზე,ავსტრალიის ღია ჩემპიონატზე ამერიკელი ჩოგბურთელი ფინალში გავიდა,სადაც 3 სეტში თავის თანამემამულესთან,სერენა უილიამსთან წააგო.ამის შემდეგ დავენპორტმა 2 ტურნირი დუბაისა და ამელია აილანდში მოიგო,ტოკიოსა და ინდიან უელსში კი ფინალში გავიდა. ინდიან უელსში 1/2 ფინალში დავენპორტმა სენსაციური ანგარიშით 6:0 და 6:0 დაამარცხა რუსი ჩოგბურთელი მარია შარაპოვა,მაგრამ ფინალში ბელგიელ კიმ კლაისტერსთან 3 სეტში დათმო თამაში. საფრანგეთის ღია პირველობაზე პარიზში,რომელიც გრუნტზე/თიხნარზე ტარდება(დავენპორტი ვერასდროს ვერ თამაშობდა თიხნარზე კარგად.გრუნტზე ბურთი ნელა მოძრაობს,ხოლო ჰარდზე/ხალიჩაზე გაცილებით სწრაფად) დავენპორტმა 1/4 ფინალში გააღწია,მაგრამ მომდევნო თამაში მერი პირსთან(საფრანგეთი) წააგო.პირსმა მიმდინარე ტურნირზე ფინალში გააღწია.

2005 წლის ივნისში უიმბლდონზე დავენპორტმა სხვებთან ერთად,კიმ კლაისტერსი(ბელგია),სვეტლანა კუზნეცოვა(რუსეთი) და ამელი მორესმო(საფრანგეთი) დაამარცხა.თუმცა,ფინალში მან მარცხი ვინუს უილიამსთან(აშშ) იგემა.ფინალი ძალიან დაძაბული გამოდგა და საბოლოოდ ლინცის მოწინააღმდეგემ 4:6,7:6 და 9:7 იმარჯვა.თამაში 2 საათსა და 44 წუთს გაგრძელდა,რაც რეკორდული დროა ქალთა შორის უიმბლდონზე.

ზურგის ტრავმის გამო იძულებული იყო დავენპორტი უარი ეთქვა ფედერაციის თასზე(შეჯიბრი ნაკრებებს შორის ჩოგბურთში, ქალთა შორის) გამოსვლაზე. მცირე შესვენების შემდეგ დავენპორტი შეეცადა სტენფორდის ტურნირზე თამაშსა და გასულ წელს მოპოვებული ტიტულის შენარჩუნებას,თუმცა მან თამაშის დამთავრება ვერ შეძლო და 0:5 დამარცხდა ანა/ლენა გრიონეფელდთან(გერმანია).

ამერიკელი ჩოგბურთელი იმედოვნებდა,რომ მზად იქნებოდა ამერიკის ღია პირველობისათვის.2005 წლის 22 აგვისტოს კი მან პირველობა დაკარგა რეიტინგში,მსოფლიოს 1–ელი ჩოგანი მარია შარაპოვა(რუსეთი) გახდა.ერთი კვირის შემდეგ ლინციმ ნიუ ჰევენში ჩატარებული ტურნირი მოიგო და რეიტინგში კვლავ პირველ ადგილზე გადაინაცვლა. იმის იმედი რომ თავის მშობლიურ ამერიკის ღია პირველობას მოიგებდა,წარსულს ჩაბარდა. 1/4 ფინალში დავენპორტი ელენა დემენტიევასთან(რუსეთი) დამარცხდა,რისი მთავარი მიზეზიც ლინცის მიერ კატასტროფულად ბევრი დაშვებული შეცდომა იყო.

ამერიკის ღია პირველობის შემდეგ დავენპორტმა კვლავ დაკარგა პირველობა რეიტინგში,მსოფლიოს ახალი 1–ელი ჩოგანი შარაპოვა გახდა.თუმცა,ეს დიდ ხანს არ გაგრძელებულა.ბალიზე გამართულ ტურნირზე დავენპორტმა ფინალში იტალიელი ფრანჩესკა სკიავონე დაამარცხა,ხოლო 2 კვირის შემდეგ ფილდერშთადთში(შთუთგართი,გერმანია) თავისი 50–ე ტურნირის მოგება იზეიმა.

სეზონის ბოლოს დავენპორტი ციურიხში მიმდინარე ტირნირზეც გამოვიდა,სადაც იგი უკვე 5–ჯერ იყო ფინალში გასული.3–ჯერ შეძლო ტურნირის მოგება,2000 წელს ჰინგისთან,ხოლო 2002 წელს პატი შნიდერთან დამარცხდა. 1/8 ფინალში დავენპორტმა სლოვაკი დანიელა ჰანტუხოვა დაამარცხა.1/4 ფინალში კი–ფრანჩესკა სკიავონე,1/2 ფინალში–ანასტასია მისკინა. ფინალში დავენპორტმა რევანში აიღო შვეიცარიელ პატი შნიდერის წინააღმდეგ.

2006 წლის სეზონი

2006 წელი დავენპორტისათვის წარმატებული არ აღმოჩნდა. ჰონგ/კონგში გამარჯვებებს მიაღწია ნიკოლ ვაიდისოვასთან(ჩეხეთი) და ვინუს უილიამსი წინააღმდეგ,მაგრამ ფინალი კიმ კლაისტერსთან დათმო.ავსტრალიის ღია პირველობაზე 1/4 ფინალში დამარცხდა ჟასტინ ენინ/არდენთან(ბელგია).დუბაის 1/2 ფინალში შარაპოვას ვერ გაუწია სათანადო წინააღმდეგობა.იმავე ტურნირზე დავენპორტმა თავისი კარიერის განმავლობაში მე–700–ე თამაში მოიგო.ინდიან უელსში ტრავმის გამო დათმო თამაში თავის კოლეგა მარტინა ჰინგისთან.

დავენპორტი გეგმავდა,არ ეთამაშა 2006 წლის განმავლობაში 15 ტურნირზე მეტი.უკვე ცნობილი იყო,რომ ლინცი თავის პირველობას რეიტინგში დაკარგავდა.ევროპაში ჩასატარებელი ყველა ტურნირი თიხნარზე გამოტოვა,საფრანგეთის ღია პირველობის ჩათვლით.ზურგის ტრავმის გამო დავენპორტს ინდიანა უელსიდან მოყოლებული არცერთი თამაში უთამაშია,საბოლოოდ კი უიმბლდონზე გამოსვლაც ჩააგდო.ლოს ანჯელესში დავენპორტმა 1–ელივე თამაში წააგო ავსტრალიელ სამანტა სტოსურთან.2 კვირის შემდეგ ლინცი ნიუ ჰევენის ტურნირზე გამოვიდა,სადაც მსოფლიოს ახალი 1–ელი ჩოგანი,ამელი მორესმო ადვილად დაამარცხა,მაგრამ ფინალში ჟასტინ ენინ–არდენი წააგო.ტრავმების მიუხედავად ლინციმ სეზონის ბოლო დიდი შლემის ტურნირი კარგად დაიწყო და 1/4 ფინალამდე მიაღწია,თუმცა შემდეგ ეტაპზე ის კვლავ ბელგიელ ჟასტინ ენინ–არდენთან დამარცხდა.

დავენპორტი კორტის მიღმაც დადებით პიროვნებად ფასდება.ჩოგბურთელებს შორის ის პოპულარულია და პრესასთანაც ალიან "კარგი ურთიერთობა" აქვს.განსხვავებით ბევრი ჩოგბურთელისაგან,ლინცი სიამოვნებით იძლევა ინტერვიუებსა და ავტოგრამებს. 2006 წლის 13 დეკემბერს დავენპორტმა აღნიშნა,რომ თავის 1–ელ შვილს ელოდება.2007 წლის 10 ივნის მას ბიჭი შეეძინა.სიტყვებით: "ვერ წარმომიდგენია,ჩოგბურთის თამაშის გაგრძელება" დავენპორტმა 13 წლიანი საჩოგბურთო კარიერის დასრულება გადაწყვიტა.

2007 წლის სეზონი

ივლისში დავენპორტმა თავისი კარიერის დასასრული გადაიფიქრა.აგვისტოში კი ხანგრძლივი შესვენების შემდეგ პირველი ოფიციალური ტურნირი ითამაშა წყვილთა შორის,თავის ახლო მეგობარ ლიზა რეიმონდთან ერთად, ნიუ ჰევენში,სადაც 1–ელივე ტურში დამარცხდა. ერთეულთა შორის დავენპორტმა პირველი მატჩი კუნძულ ბალიზე მიმდინარე ტურნირზე ითამაშა,რომელიც მოიგო კიდეც.სხვებთან ერთად,ლინციმ ელენა იანკოვიჩი(სერბეთი) და დანიელა ჰანტუხოვა დაამარცხა.ერთი კვირის შემდეგ დავენპორტმა პეკინში 1/2 ფინალში გააღწია,სადაც იანკოვიჩთან დამარცხდა.ამერიკელმა ჩოგბურთელმა ხანგრლივი პაუზის შემდეგ თავისი 53–ე ტურნირი ქვებექში(კანადა) მოიგო და დაუბრუნდა დიდ ჩოგბურთს.

2008 წლის სეზონი

ლინციმ ახალი 2008 წლის სეზონი ოქლენდში გამარჯვებით დაიწყო.დავენპორტმა თავისი დაბრუნების შემდეგ მემფისში მეოთხე ტიტული მოიგო,ამასთანავე წყვილთა შორის იმარჯვა.ინდიან უელსში გამარჯვება მოიპოვა მარიონ ბარტოლიზე(საფრანგეთი),მაგრამ ტრავმის გამო 1/4 ფინალური მატჩი არ ითამაშა.დავენპორტმა მაიამიში ბრწყინვალედ ითამაშა და მსოფლიოს მეორე ჩოგანი,ანა ივანოვიჩი(სერბეთი) ადვილად დაამარცხა,თუმცაღა შემდეგ ეტაპზე მოულოდნელად წააგო რუსი დინარა საფინასთან.ლინციმ თიხნარზეც ითამაშა ამელია აილანდში,სადაც 1/2 ფინალს მიაღწია,თუმცა ისევ და ისევ ტრავმის გამო ვეღარ განაგრძო ტურნირზე ასპარეზობა.აპრილის შემდეგ დავენპორტმა წლის განმავლობაში მხოლოდ ორი ტურნირიღა ითამაშა.უიმბლდონზე მეორე წრის თამაშისას,იძულებულიყო კორტი ტრავმის გამო დაეტოვებინა,ხოლო ამერიკის ღია ჩემპიონატზე მესამე წრეში დამარცხდა მარიონ ბარტოლისთან. 2008 წელი დავენპორტმა რეიტინგი 35–ედ დაასრულა.

2009 წლის სეზონი

სეზონის დასაწყისში დავენპორტი ავსტრალიის დიდი მუზარადის ტურნირის თამაშს აპირებდა,თუმცა ცნობილი გახდა,რომ ის მეორე შვილს ელოდება.

ტიტულები(92)

ლეგენდა (ერთეულთა თანრიგში)

დიდი მუზარადის ტურნირი (3)

WTA მსოფლიო ჩემპიონატი (1)

ოქროს მედალი ოლიმპიადაზე (1)

WTA Tier I Events (11)

WTA ტური (39)

ერთეულთა თანრიგში

Nr.	რიცხვი	ტურნირი	კორტის საფარი	მოწინააღმდეგე ფინალში	ანგარიში
1.	17.05.1993	ლუცერნი, შვეიცარია	თიხნარი	ნიკოლ ბრედკი	6:1, 4:6, 6:2
2.	03.01.1994	ბრისბეინ, ავსტრალია	სწრაფი საფარი	ფლორენცია ლაბატი	6:1, 2:6, 6:3
3.	16.05.1994	ლუცერნი, შვეიცარია	თიხნარი	ლიზა რეიმონდი	7:6, 6:4
4.	22.05.1995	სტრასბურგი, საფრანგეთი	თიხნარი	კიმიკო დატე	3:6, 6:1, 6:2
5.	20.05.1996	სტრასბურგი, საფრანგეთი	თიხნარი	ბარბარა პაულუსი	6:3, 7:6
6.	22.07.1996	ზაფხულის ოლიმპიური თამაშები 1996 წელს, ატლანტა, აშშ	სწრაფი საფარი	არანტა სანჩეს ვიკარიო	7:6, 6:2
7.	12.08.1996	ლოს ანჯელესი, აშშ	სწრაფი საფარი	ანკე ჰუბერი	6:2, 6:3
8.	17.02.1997	ოკლაჰომა, აშშ	სწრაფი საფარი	ლიზა რეიმონდი	6:4, 6:2
9.	03.03.1997	ინდიან უელსი, აშშ	სწრაფი საფარი	ირინა სპირლეა	6:2, 6:1
10.	07.04.1997	ამელია აილანდი, აშშ	თიხნარი	მარი პირსი	6:2, 6:3
11.	18.08.1997	ატლანტა, აშშ	სწრაფი საფარი	სანდრინ ტისუ	6:4, 6:1
12.	13.10.1997	ციურიხი, შვეიცარია	სწრაფი საფარი	ნატალი ტაუზია	7:6, 7:5
13.	03.11.1997	ჩიკაგო, აშშ	ხალიჩა	ნატალი ტაუზია	6:0, 7:5
14.	02.02.1998	ტოკიო , იაპონია	ხალიჩა	მარტინა ჰინგისი	6:3, 6:3
15.	27.07.1998	სტენფორდი (კალიფორნია), აშშ	სწრაფი საფარი	ვინუს უილიამსი	6:4, 5:7, 6:4
16.	03.08.1998	სან დიეგო, აშშ	სწრაფი საფარი	მარი პირსი	6:3, 6:1
17.	10.08.1998	ლოს ანჯელესი, აშშ	სწრაფი საფარი	მარტინა ჰინგისი	4:6, 6:4, 6:3
18.	31.08.1998	ამერიკის ღია ჩემპიონატი, ნიო–იორკი, აშშ	სწრაფი საფარი	მარტინა ჰინგისი	6:3, 7:5
19.	12.10.1998	ციურიხი, შვეიცარია	სწრაფი საფარი	ვინუს უილიამსი	7:5, 6:3
20.	11.01.1999	სიდნეი, ავსტრალია	სწრაფი საფარი	მარტინა ჰინგისი	6:4, 6:3
21.	17.05.1999	მადრიდი, ესპანეთი	თიხნარი	პაულა სუარესი	6:1, 6:3
22.	21.06.1999	უიმბლდონი, ლონდონი, დიდი ბრიტანეთი	ბალახი	შტეფი გრაფი	6:4, 7:5
23.	26.07.1999	სტენფორდი (კალიფორნია), აშშ	სწრაფი საფარი	ვინუს უილიამსი	7:6, 6:2
24.	20.09.1999	ტოკიო, იაპონია	სწრაფი საფარი	მონიკა სელეში	7:5, 7:6
25.	08.11.1999	ფილადელფია, აშშ	თიხნარი	მარტინა ჰინგისი	6:3, 6:4
26.	15.11.1999	მსოფლიო ჩემპიონატი, ნიუ–იორკი, აშშ	სწრაფი საფარი	მარტინა ჰინგისი	6:4, 6:2
27.	17.01.2000	ავსტრალიის ღია პირველობა, მელბურნი, ავსტრალია	სწრაფი საფარი	მარტინა ჰინგისი	6:1, 7:5
28.	06.03.2000	ინდიან უელსი, აშშ	სწრაფი საფარი	მარტინა ჰინგისი	4:6, 6:4, 6:0
29.	16.10.2000	ლინცი, ავსტრია	ხალიჩა	ვინუს უილიამსი	6:4, 3:6, 6:2
30.	06.11.2000	ფილადელფია, აშშ	ხალიჩა	მარტინა ჰინგისი	7:6, 6:4
31.	29.01.2001	ტოკიო , იაპონია	ხალიჩა	მარტინა ჰინგისი	6:7, 6:4, 6:2
32.	26.02.2001	სქოთდეილ, აშშ	სწრაფი საფარი	მეგან შონესი	6:2, 6:3
33.	18.06.2001	ისბორნი, დიდი ბრიტანეთი	ბალახი	მაგუი სერნა	6:2, 6:0
34.	06.08.2001	ლოს ანჯელესი, აშშ	სწრაფი საფარი	მონიკა სელეში	6:3, 7:5
35.	08.10.2001	ფილდერშთადთი, გერმანია	სწრაფი საფარი	ჟასტინი ენინი	7:5, 6:4
36.	15.10.2001	ციურიხი, შვეიცარია	სწრაფი საფარი	ელენა დოკიჩი	6:3, 6:1
37.	22.10.2001	ლინცი, ავსტრია	ხალიჩა	ელენა დოკიჩი	6:4, 6:1
38.	27.01.2003	ტოკიო , იაპონია	ხალიჩა	მონიკა სელეში	6:7, 6:1, 6-2
39.	02.02.2004	ტოკიო , იაპონია	ხალიჩა	მაგდალენა მალეევა	6:4, 6:1
40.	05.04.2004	ამელია აილანდი, აშშ	თიხნარი	ამელი მორესმო	6:4, 6:4
41.	12.07.2004	სტენფორდი(კალიფორნია), აშშ	სწრაფი საფარი	ვინუს უილიამსი	7:6, 5:7, 7:6
42.	19.07.2004	ლოს ანჯელესი, აშშ	სწრაფი საფარი	სერენა უილიამსი	6:1, 6:3
43.	26.07.2004	სან დიეგო, აშშ	სწრაფი საფარი	ანასტასია მისკინა	6:1, 6:1
44.	16.08.2004	ცინცინატი, აშშ	სწრაფი საფარი	ვერა ზვონარევა	6:3, 6:2
45.	04.10.2004	ფილდერშთადთი, გერმანია	სწრაფი საფარი	ამელი მორესმო	6:2, aufg.
46.	05.03.2005	დუბაი, არაბეთის გაერთიანებული ემირატები	სწრაფი საფარი	ელენა იანკოვიჩი	6:4, 3:6, 6:4
47.	04.04.2005	ამელია აილანდი, აშშ	თიხნარი	სილვია ფარინა ელია	7:5, 7:5
48.	22.08.2005	ნიუ ჰევენი, აშშ	სწრაფი საფარი	ამელი მორესმო	6:4, 6:4
49.	12.09.2005	ბალი, ინდონეზია	სწრაფი საფარი	ფრანჩესკა სკიავონე	6:2, 6:4
50.	09.10.2005	ფილდერშთადთი, გერმანია	სწრაფი საფარი	ამელი მორესმო	6:2, 6:4
51.	23.10.2005	ციურიხი, შვეიცარია	სწრაფი საფარი	პატი შნიდერი	7:6(5), 6:3
52.	16.09.2007	ბალი, ინდონეზია	სწრაფი საფარი	დანიელა ჰანტუხოვა	6:4, 3:6, 6:2
53.	04.11.2007	ქვებექი, კანადა	სწრაფი საფარი	იულია ვაკულენკო	6:4, 6:1
54.	06.01.2008	ოკლენდი, ახალი ზელანდია	სწრაფი საფარი	არავენ რეზაი	6:2, 6:2
55.	01.03.2008	მემფისი, აშშ	სწრაფი საფარი	ოლგა გოვორცოვა	6:2, 6:1

დიდი შლემის ტურნირები და მსოფლიო ჩემპიონატი

ტურნირები	2008	2007	2006	2005	2004	2003	2002	2001	2000	1999	1998	1997	1996	1995	1994	1993	1992	1991	გამარჯვებები
ავსტრალიის ღია ჩემპიონატი	მეორე წრე	-	1/4 ფინალი	ფინალი	1/4 ფინალი	1/8 ფინალი	-	1/2 ფინალი	გამარჯვება	1/2 ფინალი	1/2 ფინალი	1/8 ფინალი	1/8 ფინალი	1/4 ფინალი	1/4 ფინალი	მე–3–ე წრე	-	-	1
საფრანგეთის ღია ჩემპიონატი	-	-	-	1/4 ფინალი	1/8 ფინალი	1/8 ფინალი	-	-	1–ელი წრე	1/4 ფინალი	1/2 ფინალი	1/8 ფინალი	1/4 ფინალი	1/8 ფინალი	მე–3–ე წრე	1–ელი წრე	-	-	0
უიმბლდონი	მე–2–ე წრე	-	-	ფინალი	1/2 ფინალი	1/4 ფინალი	-	1/2 ფინალი	ფინალი	გამარჯვება	1/4 ფინალი	მე–2–ე წრე	მე–2–ე წრე	1/8 ფინალი	1/4 ფინალი	მე–3–ე წრე	-	-	1
ამერიკის ღია ჩემპიონატი	მე–3–ე წრე	-	1/4 ფინალი	1/4 ფინალი	1/2 ფინალი	1/2 ფინალი	1/2 ფინალი	1/4 ფინალი	ფინალი	1/2 ფინალი	გამარჯვება	1/2 ფინალი	1/8 ფინალი	მე–2–ე წრე	მე–3–ე წრე	1/8 ფინალი	მე–2–ე წრე	1–ელი წრე	1
WTA ჩემპიონატი		-	-	1/16 ფინალი	1–ელი წრე	-	1/8 ფინალი	ფინალი	1/8 ფინალი	გამარჯვება	ფინალი	1/8 ფინალი	1/4 ფინალი	1/8 ფინალი	ფინალი	-	-	-	1

რეკორდები სხვა მოთამაშეების წინააღმდეგ

დავენპორტის მიერ ჩატარებული თამაშების სტატისტიკა მსოფლიოს ათეულში მყოფ ჩოგბურთელების წინააღმდეგ.(მუქად მსოფლიოს 1–ელი ჩოგნები არიან აღნიშნულები)

• მარტინა ჰინგისი 14–11
• ვინუს უილიამსი 14–13
• ამანდა კოტცერი 13–3
• ამელი მორესმო 12–4
• ელენა დემენტიევა 11–5
• აი სუგიამა 10–1
• პატი შნიდერი 10–2
• მონიკა სელეში 10–3
• ელენა დოკიჩი 9–0
• ჟული ჰარალდ–დეკუა 9–2
• ჩანდა რუბინი 9–3
• ჯენიფერ კაპრიატი 9–3
• კონჩიტა მარტინესი 9–8
• მარი პირსი 8–4
• კიმ კლაისტერსი 8–9
• ბარბარა შეთი 7–0
• დანიელა ჰანტუხოვა 7–0
• ნადია პეტროვა 7–0
• ანა კურნიკოვა 7–3
• იანა ნოვოტნა 6–0
• ვერა ზვონარევა 6–0
• ირინა სპირლეა 6–1
• ანასტასია მისკინა 6–2
• შტეფი გრაფი 6–8
• კიმიკო დატე კრუმი 5–3
• მარი ჯოუ ფერნანდესი 5–4
• არანტა სანჩეს ვიკარიო 5–7
• ჟასტინ ენინი 5–7
• ალისია მოლიკი 4–0
• ნატაშა ზვერევა 4–1
• ელენა იანკოვიჩი 4–2
• სერენა უილიამსი 4–10
• მარიონ ბარტოლი 3–2
• სვეტლანა კუზნეცოვა 3–2
• ბრენდა შულც–მაკარტი 3–3
• გაბრიელა საბატინი 3–7
• ანა ჩაკვეტაძე 2–0
• დინარა საფინა 2–1
• ანა ივანოვიჩი 1–0
• ნიკოლ ვაიდისოვა 1–0
• მარია შარაპოვა 1–5
• მარტინა ნავრატილოვა 0–1

დავენპორტის მონაგარი US დოლარებში

სეზონი	გამომუშავებული თანხა ($)	ადგილი გამ.თანხის მიხედვით
1991	10,613	263
1992	34,761	მონაცემი არ არის
1993	201,409	32
1994	552,237	მონაცემი არ არის
1995	438,632	15
1996	871,393	8
1997	1,533,393	3
1998	3,052,105	2
1999	2,734,205	2
2000	2,444,734	2
2001	2,102,242	4
2002	805,191	12
2003	1,632,909	5
2004	2,220,005	3
2005	2,684,490	3
2006	384,188	36
2007	85,664	153
2008	201,522	22
კარიერაში მთლიანად	22,144,735	3

რესურსები ინტერნეტში

• დავენპორტის პროფილი
• დავენპორტი ფედერაციის თასზე
• სტატისტიკა დავენპორტზე