კუდჯაგრიანები

კუდჯაგრიანები (Thysanura), მაღალორგანიზებული პირველადუფრთო მწერების რიგი. აქვთ წვრილი, წაგრძელებული სხეული, მღეჭავი პირის ორგანო, წაგრძელებული ყბის საცეცები, მრავალნაწევრიანი გრძელი ულვაშები. სარბენი ფეხები. მუცელი დანაწევრებული ჯაგრისებრი ძაფებით ბოლოვდება. ცოცხლობენ 3 წლამდე. გავრცელებული არიან ყველგან. ბინადრობენ ქვებს შორის, კლდეებზე, ნიადაგში, სახლებში (ნესტიან ადგილებში). მრავლდებიან კვერცხებით.

ლიტერატურა

• ქსე, ტ. 6, გვ. 55, თბ., 1983