კრისტინა იანდა

კრისტინა იანდა Krystyna Janda
კრისტინა იანდა 2007 წელს
დაბადების სახელი	კრისტინა იანდა
დაბადების ადგილი	სტარახოვიცე, (პოლონეთი)
დაიბადა	18 დეკემბერი 1952
საქმიანობა	მსახიობი პროზაიკოსი კინორეჟისორი.
შემოქმედების წლები	1976–დღემდე

კრისტინა იანდა (პოლ. Krystyna Janda; დ. 18 დეკემბერი 1952) — პოლონელი კინოსა და თეატრის მსახიობი, პროზაიკოსი და კინორეჟისორი.

1975 წელს ვარშავაში დაამთავრა უმაღლესი თეატრალური სკოლა. 1976 წელს შედგა მისი დებიუტი ერთ-ერთ სასცენო კომედიაში. გამოდიოდა ევრიპიდეს, რასინის, ჩეხოვის, ტენესისა და სხვათა პიესებში. იღებდნენ გერმანიაში, საფრანგეთში, ბულგარეთში. თანამშრომლობდა არაერთ ცნობილ რეჟისორთან (ანჯეი ვაიდა, კშიშტოფ ზანუსი, კშიშტოფ კესლევსკი, ანჯეი ჟულავსკი, იშტვან საბო და სხვ.). 1982 წელს ითამაშა რიშარდ ბუგაისკის გახმაურებულ კრიმინალურ კინოდრამაში „დაკითხვა“ (პოლ. Przesłuchanie). მონაწილეობა აქვს მიღებული ასევე ფილმში „დეკალოგი“. კრისტინა იანდა 1981 წელს დაქორწინდა კინოოპერატორ ედვარდ კლოსინსკიზე (1943-2008). ჰყავს სამი შვილი. ცხოვრობს ქალაქ ვარშავის სიახლოვეს.

კრისტინა იანდამ ბოლო წლებში მონაწილეობა მიიღო ფილმებში „აირი“ და „რევერსი“. 2001 წლიდან მოყოლებული იგი გადაიღეს რამდენიმე სარეკლამო რგოლში.

სამსახიობო ამპლუა: დრამა, მელოდრამა.

რესურსები ინტერნეტში

• (ინგლისური) კრისტინა იანდა — კინოფილმების ინტერნეტ მონაცემთა ბაზაში
• კრისტინა იანდა / filmpolski.pl
• კრისტინა იანდა (პოლონური)