კოსი (მდინარე)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
კოსი
River Ganges and tributaries.png
განგი და მისი შენაკადები
ქვეყნები ნეპალის დროშა ნეპალი, ინდოეთის დროშა ინდოეთი
სიგრძე 729 კმ
აუზის ფართობი 69 300 კმ²
კოსი ნეპალში

კოსი (ჰინ. कोसी नदी) — მდინარე და ნეპალსა და ინდოეთში, განგის ერთ-ერთი უმნიშვნელოვანესი შენაკადი. კოსის ზოგიერთი შენაკადი ჩინეთის ტერიტორიაზე, ტიბეტის ავტონომიურ რეგიონში იღებს სათავეს.

შენაკადებთან ერთად, კოსის აუზის 29 400 კმ² ჩინეთში მდებარეობს, 30 700 კმ² ნელაპში და 9 200 კმ² ინდოეთში. აუზი გარსშემორტყმულია ქედებით, რომლებიც მას ჩრდილოეთით მდინარე იარლუნგ-ცანგპოსგან, დასავლეთით განდაკისგან და აღმოსავლეთით მაჰანანდისგან გამოყოფს. მნიშვნელოვანი შენაკადები უერთდება მაჰაბჰარატის ქედზე.

250 წლის მანძილზე, კოსის დინებამ 120 კმ-ით გადაინაცვლა აღმოსავლეთიდან დასავლეთით, რისი მიზეზიც დატბორვებისას დაგროვილი ქვიშაა. დატბორვებს ინდოეთში უკიდურესი ეფექტები აქვს და ეს ქვეყანა მსოფლიოში მეორეა დატბორვებისას გარდაცვლილთა მხრივ ბანგლადეშის შემდეგ.

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე: